Texts

Help

Select a text:
Bibliography
Select a chapter:
 1 revision
Associated topic(s): for battle fury

Show parallels  Show headlines
Use dependency labeler
Chapter id: 9858
  • Click on a sentence to show its analysis
  • Keep the mouse pointer over a lemma to show its meanings.
tvayā manyo saratham ārujanto harṣamāṇāso dhṛṣitā marutvaḥ / (1.1) Par.?
tigmeṣava āyudhā saṃśiśānā abhi pra yantu naro agnirūpāḥ // (1.2) Par.?
agnir iva manyo tviṣitaḥ sahasva senānīr naḥ sahure hūta edhi / (2.1) Par.?
hatvāya śatrūn vi bhajasva veda ojo mimāno vi mṛdho nudasva // (2.2) Par.?
sahasva manyo abhimātim asme rujan mṛṇan pramṛṇan prehi śatrūn / (3.1) Par.?
ugraṃ te pājo nanv ā rurudhre vaśī vaśaṃ nayasa ekaja tvam // (3.2) Par.?
eko bahūnām asi manyav īḍito viśaṃ viśaṃ yudhaye saṃ śiśādhi / (4.1) Par.?
akṛttaruk tvayā yujā vayaṃ dyumantaṃ ghoṣaṃ vijayāya kṛṇmahe // (4.2) Par.?
vijeṣakṛd indra ivānavabravo 'smākam manyo adhipā bhaveha / (5.1) Par.?
priyaṃ te nāma sahure gṛṇīmasi vidmā tam utsaṃ yata ābabhūtha // (5.2) Par.?
ābhūtyā sahajā vajra sāyaka saho bibharṣy abhibhūta uttaram / (6.1) Par.?
kratvā no manyo saha medy edhi mahādhanasya puruhūta saṃsṛji // (6.2) Par.?
saṃsṛṣṭaṃ dhanam ubhayaṃ samākṛtam asmabhyaṃ dattāṃ varuṇaś ca manyuḥ / (7.1) Par.?
bhiyaṃ dadhānā hṛdayeṣu śatravaḥ parājitāso apa ni layantām // (7.2) Par.?
Duration=0.050197839736938 secs.