Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3726
  • Click on a sentence to show its analysis
  • Keep the mouse pointer over a lemma to show its meanings.
athātaḥ pūtanāpratiṣedhaṃ vyākhyāsyāmaḥ // (1) Par.?
yathovāca bhagavān dhanvantariḥ // (2) Par.?
kapotavaṅkāraluko varuṇaḥ pāribhadrakaḥ / (3.1) Par.?
āsphotā caiva yojyāḥ syurbālānāṃ pariṣecane // (3.2) Par.?
vacā vayaḥsthā golomī haritālaṃ manaḥśilā / (4.1) Par.?
kuṣṭhaṃ sarjarasaścaiva tailārthe varga iṣyate // (4.2) Par.?
hitaṃ ghṛtaṃ tugākṣīryāṃ siddhaṃ madhurakeṣu ca / (5.1) Par.?
kuṣṭhatālīśakhadiracandanasyandane tathā // (5.2) Par.?
devadāruvacāhiṅgukuṣṭhaṃ girikadambakaḥ / (6.1) Par.?
elā hareṇavaścāpi yojyā uddhūpane sadā // (6.2) Par.?
gandhanākulikumbhīke majjāno badarasya ca / (7.1) Par.?
karkaṭāsthi ghṛtaṃ cāpi dhūpanaṃ sarṣapaiḥ saha // (7.2) Par.?
kākādanīṃ citraphalāṃ bimbīṃ guñjāṃ ca dhārayet / (8.1) Par.?
matsyaudanaṃ ca kurvīta kṛśarāṃ palalaṃ tathā / (8.2) Par.?
śarāvasaṃpuṭe kṛtvā baliṃ śūnyagṛhe haret // (8.3) Par.?
ucchiṣṭenābhiṣekeṇa śiśoḥ snapanamiṣyate / (9.1) Par.?
pūjyā ca pūtanā devī balibhiḥ sopahārakaiḥ // (9.2) Par.?
malināmbarasaṃvītā malinā rūkṣamūrdhajā / (10.1) Par.?
śūnyāgārāśritā devī dārakaṃ pātu pūtanā // (10.2) Par.?
durdarśanā sudurgandhā karālā meghakālikā / (11.1) Par.?
bhinnagārāśrayā devī dārakaṃ pātu pūtanā // (11.2) Par.?
Duration=0.075675010681152 secs.