Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3727
  • Click on a sentence to show its analysis
  • Keep the mouse pointer over a lemma to show its meanings.
athāto 'ndhapūtanāprasiṣedhaṃ vyākhyāsyāmaḥ // (1) Par.?
yathovāca bhagavān dhanvantariḥ // (2) Par.?
tiktakadrumapatrāṇāṃ kāryaḥ kvātho 'vasecane / (3.1) Par.?
surā sauvīrakaṃ kuṣṭhaṃ haritālaṃ manaḥśilā // (3.2) Par.?
tathā sarjarasaścaiva tailārtham upadiśyate / (4.1) Par.?
pippalyaḥ pippalīmūlaṃ vargo madhurako madhu // (4.2) Par.?
śālaparṇī bṛhatyau ca ghṛtārtham upadiśyate / (5.1) Par.?
sarvagandhaiḥ pradehaśca gātreṣv akṣṇośca śītalaiḥ // (5.2) Par.?
purīṣaṃ kaukkuṭaṃ keśāṃścarma sarpatvacaṃ tathā / (6.1) Par.?
jīrṇāṃ ca bhikṣusaṃghāṭīṃ dhūmanāyopakalpayet // (6.2) Par.?
kukkuṭīṃ markaṭīṃ śimbīmanantāṃ cāpi dhārayet / (7.1) Par.?
māṃsamāmaṃ tathā pakvaṃ śoṇitaṃ ca catuṣpathe // (7.2) Par.?
nivedyamantaśca gṛhe śiśo rakṣānimittataḥ / (8.1) Par.?
śiśośca snapanaṃ kuryāt sarvagandhodakaiḥ śubhaiḥ // (8.2) Par.?
karālā piṅgalā muṇḍā kaṣāyāmbaravāsinī / (9.1) Par.?
devī bālamimaṃ prītā saṃrakṣatvandhapūtanā // (9.2) Par.?
Duration=0.20876717567444 secs.