Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2638

Click on a sentence to show its analysis
Keep the mouse pointer over a lemma to show its meanings.

ṛtujñānamantarā ṛtusātmyajñānaṃ na sambhavatītyṛtūnām upayuktasvarūpajñānārthamāha ihetyādi // (1) Par.?

ṛtupratipādanaprastāve saṃvatsaraṃ vidyāditi saṃvatsarapratipādanamṛtūnāmeva militānāṃ saṃvatsaratvapratipādanārtham // (2) Par.?

melakaśca buddhyā vyavahriyate na tu paramārthataḥ ṛtūnāṃ melako'sti // (3) Par.?

ṛtūnāṃ saṃvatsarātmakatvaṃ punaḥ punasta evartavaḥ parāvartanta iti jñānārthamavaśyaṃ pratipādanīyam // (4) Par.?

iheti iha prakaraṇe ṣaḍaṅgaṃ vidyāt anyatra tu rogabhiṣagjitīyādau tattatkāryavaśād anyathāpi // (5) Par.?

uktaṃ ca śītoṣṇavarṣalakṣaṇaḥ kāla ityādi // (6) Par.?

ṣaḍaṅgamiti samāhāre dviguḥ ṛtuvyatirekeṇa saṃvatsarasyāvidyamānatvāt yadi vā samudāyibhyo'nyaḥ samudāya ityāśritya bahuvrīhiḥ kāryaḥ // (7) Par.?

tatreti ṛtuvibhāgakathane // (8) Par.?

udaguttarāṃ diśaṃ prati ayanaṃ gamanamudagayanam // (9) Par.?

ādadāti kṣapayati pṛthivyāḥ saumyāṃśaṃ prāṇināṃ ca balamityādānam // (10) Par.?

trīn śiśirādīnityanenaiva labdhe'pi grīṣmāntatve grīṣmāntāniti śiśirasyādiriti vigrahasya tathādiśabdasya prakāravācitāyāḥ pratiṣedhārtham // (11) Par.?

evaṃ hemantāntāniti ca vyākhyeyam // (12) Par.?

dakṣiṇāṃ diśaṃ prati ayanaṃ dakṣiṇāyanam // (13) Par.?

visṛjati janayati āpyamaṃśaṃ prāṇināṃ ca balamiti visargaḥ // (14) Par.?

saṃjñāpraṇayanaṃ ca vyavahārārthaṃ niruktipratīyamānārthapratipādanārthaṃ ca // (15) Par.?

Duration=0.13628697395325 secs.