Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5830
  • Click on a sentence to show its analysis
  • Keep the mouse pointer over a lemma to show its meanings.
punaścaturviṃśatike puruṣe karmaphalādi darśayan doṣahīne puruṣe karmaphalādyabhāvamarthāddarśayati atretyādi // (1) Par.?
phalamatreti yathoktasamudāyapuruṣe // (2) Par.?
karmeti adṛṣṭam // (3) Par.?
phalamiti adṛṣṭaphalam // (4) Par.?
svatā mamatā // (5) Par.?
jñānaṃ ca yadyapi caturviṃśatitattvātiriktasyodāsīnasyaiva tathāpi taccetanayā prakṛtirapi cetanāmāpadya cetanaiva bhavatīti yuktam atra jñānam iti // (6) Par.?
vacanaṃ hi tasmāt tatsaṃyogād acetanaṃ cetanāvadiva liṅgam iti // (7) Par.?
pralayodayāviti jīvitamaraṇe // (8) Par.?
pāraṃparyam iti śarīraparaṃparām // (9) Par.?
cikitsāṃ ceti naiṣṭhikī ātyantikaduḥkhacikitsā mokṣasādhanā jñātavyā // (10) Par.?
yacca kiṃcanetyanenānuktamapi kṛtsnaṃ jñeyamavaruṇaddhi // (11) Par.?
Duration=0.059326887130737 secs.