Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5855

Click on a sentence to show its analysis
Keep the mouse pointer over a lemma to show its meanings.

kiṃ tannityatvamityāha tadevetyādi // (1) Par.?

bhāvādutpattidharmakāt // (2) Par.?

tannityatvaṃ na kuto'pi bhāvādbhavati nityaṃ hi na kuto'pi bhavati // (3) Par.?

tataścātmā bhāvaṃ prati nirapekṣatvāt sarvebhyo bhāvebhyo'pyagre nityaṃ sadeva // (4) Par.?

taccaivaṃbhūtaṃ nityamavyaktaṃ jñeyam // (5) Par.?

acintyamityavyaktaviśeṣaṇam // (6) Par.?

avyaktaṃ ca mūlaprakṛtiḥ // (7) Par.?

vyaktam anyatheti prakṛteranyatamakāryaṃ mahadādikamanityam ākāśamapi vikārarūpatayānityameva udāsīnapuruṣastu nitya evāvyaktaśabdenaiva lakṣita ityuktameva // (8) Par.?

avyaktadharmāntaravyāpakān paryāyānāha avyaktam ityādi // (9) Par.?

punaḥ prakārāntareṇa vyaktāvyaktārtham āha vakṣyata ityādi // (10) Par.?

aparaṃ dvayamiti prakārāntarakṛtaṃ vyaktāvyaktadvayam // (11) Par.?

liṅgagrāhyamiti anumānagrāhyam // (12) Par.?

atīndriyam ityanena cendriyagrahaṇāyogyaṃ yat kenāpi śabdādiliṅgena gṛhyate na tadavyaktaṃ kiṃtu yannityānumeyaṃ mano'haṅkārādi tadevāvyaktam // (13) Par.?

Duration=0.16755890846252 secs.