Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 6335
  • Click on a sentence to show its analysis
  • Keep the mouse pointer over a lemma to show its meanings.
bhīṣma uvāca / (1.1) Par.?
āsīt kila kuruśreṣṭha mahāpadme purottame / (1.2) Par.?
gaṅgāyā dakṣiṇe tīre kaścid vipraḥ samāhitaḥ // (1.3) Par.?
saumyaḥ somānvaye vede gatādhvā chinnasaṃśayaḥ / (2.1) Par.?
dharmanityo jitakrodho nityatṛpto jitendriyaḥ // (2.2) Par.?
ahiṃsānirato nityaṃ satyaḥ sajjanasaṃmataḥ / (3.1) Par.?
nyāyaprāptena vittena svena śīlena cānvitaḥ // (3.2) Par.?
jñātisaṃbandhivipule mitrāpāśrayasaṃmate / (4.1) Par.?
kule mahati vikhyāte viśiṣṭāṃ vṛttim āsthitaḥ // (4.2) Par.?
sa putrān bahulān dṛṣṭvā vipule karmaṇi sthitaḥ / (5.1) Par.?
kuladharmāśrito rājan dharmacaryāparo 'bhavat // (5.2) Par.?
tataḥ sa dharmaṃ vedoktaṃ yathāśāstroktam eva ca / (6.1) Par.?
śiṣṭācīrṇaṃ ca dharmaṃ ca trividhaṃ cintya cetasā // (6.2) Par.?
kiṃ nu me syācchubhaṃ kṛtvā kiṃ kṣamaṃ kiṃ parāyaṇam / (7.1) Par.?
ityevaṃ khidyate nityaṃ na ca yāti viniścayam // (7.2) Par.?
tasyaivaṃ khidyamānasya dharmaṃ paramam āsthitaḥ / (8.1) Par.?
kadācid atithiḥ prāpto brāhmaṇaḥ susamāhitaḥ // (8.2) Par.?
sa tasmai satkriyāṃ cakre kriyāyuktena hetunā / (9.1) Par.?
viśrāntaṃ cainam āsīnam idaṃ vacanam abravīt // (9.2) Par.?
Duration=0.064198970794678 secs.