UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9405
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1) Par.?
evaṃ sampūjito rājā pāṇḍavair ambikāsutaḥ / (1.2)
Par.?
vijahāra yathāpūrvam ṛṣibhiḥ paryupāsitaḥ // (1.3)
Par.?
brahmadeyāgrahārāṃśca pradadau sa kurūdvahaḥ / (2.1)
Par.?
tacca kuntīsuto rājā sarvam evānvamodata // (2.2)
Par.?
ānṛśaṃsyaparo rājā prīyamāṇo yudhiṣṭhiraḥ / (3.1)
Par.?
uvāca sa tadā bhrātṝn amātyāṃśca mahīpatiḥ // (3.2)
Par.?
mayā caiva bhavadbhiśca mānya eṣa narādhipaḥ / (4.1)
Par.?
nideśe dhṛtarāṣṭrasya yaḥ sthāsyati sa me suhṛt / (4.2)
Par.?
viparītaśca me śatrur nirasyaśca bhavennaraḥ // (4.3)
Par.?
paridṛṣṭeṣu cāhaḥsu putrāṇāṃ śrāddhakarmaṇi / (5.1)
Par.?
dadātu rājā sarveṣāṃ yāvad asya cikīrṣitam // (5.2)
Par.?
tataḥ sa rājā kauravyo dhṛtarāṣṭro mahāmanāḥ / (6.1)
Par.?
brāhmaṇebhyo mahārhebhyo dadau vittānyanekaśaḥ // (6.2)
Par.?
dharmarājaśca bhīmaśca savyasācī yamāvapi / (7.1)
Par.?
tat sarvam anvavartanta dhṛtarāṣṭravyapekṣayā // (7.2)
Par.?
kathaṃ nu rājā vṛddhaḥ san putraśokasamāhataḥ / (8.1)
Par.?
śokam asmatkṛtaṃ prāpya na mriyeteti cintyate // (8.2)
Par.?
yāvaddhi kurumukhyasya jīvatputrasya vai sukham / (9.1)
Par.?
babhūva tad avāpnotu bhogāṃśceti vyavasthitāḥ // (9.2)
Par.?
tataste sahitāḥ sarve bhrātaraḥ pañca pāṇḍavāḥ / (10.1)
Par.?
tathāśīlāḥ samātasthur dhṛtarāṣṭrasya śāsane // (10.2)
Par.?
dhṛtarāṣṭraśca tān vīrān vinītān vinaye sthitān / (11.1)
Par.?
śiṣyavṛttau sthitānnityaṃ guruvat paryapaśyata // (11.2)
Par.?
gāndhārī caiva putrāṇāṃ vividhaiḥ śrāddhakarmabhiḥ / (12.1)
Par.?
ānṛṇyam agamat kāmān viprebhyaḥ pratipādya vai // (12.2)
Par.?
evaṃ dharmabhṛtāṃ śreṣṭho dharmarājo yudhiṣṭhiraḥ / (13.1)
Par.?
bhrātṛbhiḥ sahito dhīmān pūjayāmāsa taṃ nṛpam // (13.2)
Par.?
Duration=0.07716178894043 secs.