Texts

vaiśaṃpāyana uvāca / (1.1) Par.?

sa rājā sumahātejā vṛddhaḥ kurukulodvahaḥ / (1.2) Par.?

nāpaśyata tadā kiṃcid apriyaṃ pāṇḍunandane // (1.3) Par.?

vartamāneṣu sadvṛttiṃ pāṇḍaveṣu mahātmasu / (2.1) Par.?

prītimān abhavad rājā dhṛtarāṣṭro 'mbikāsutaḥ // (2.2) Par.?

saubaleyī ca gāndhārī putraśokam apāsya tam / (3.1) Par.?

sadaiva prītimatyāsīt tanayeṣu nijeṣviva // (3.2) Par.?

priyāṇyeva tu kauravyo nāpriyāṇi kurūdvaha / (4.1) Par.?

vaicitravīrye nṛpatau samācarati nityadā // (4.2) Par.?

yad yad brūte ca kiṃcit sa dhṛtarāṣṭro narādhipaḥ / (5.1) Par.?

guru vā laghu vā kāryaṃ gāndhārī ca yaśasvinī // (5.2) Par.?

tat sa rājā mahārāja pāṇḍavānāṃ dhuraṃdharaḥ / (6.1) Par.?

pūjayitvā vacastat tad akārṣīt paravīrahā // (6.2) Par.?

tena tasyābhavat prīto vṛttena sa narādhipaḥ / (7.1) Par.?

anvatapyacca saṃsmṛtya putraṃ mandam acetasam // (7.2) Par.?

sadā ca prātar utthāya kṛtajapyaḥ śucir nṛpaḥ / (8.1) Par.?

āśāste pāṇḍuputrāṇāṃ samareṣvaparājayam // (8.2) Par.?

brāhmaṇān vācayitvā ca hutvā caiva hutāśanam / (9.1) Par.?

āyuṣyaṃ pāṇḍuputrāṇām āśāste sa narādhipaḥ // (9.2) Par.?

na tāṃ prītiṃ parām āpa putrebhyaḥ sa mahīpatiḥ / (10.1) Par.?

yāṃ prītiṃ pāṇḍuputrebhyaḥ samavāpa tadā nṛpaḥ // (10.2) Par.?

brāhmaṇānāṃ ca vṛddhānāṃ kṣatriyāṇāṃ ca bhārata / (11.1) Par.?

tathā viṭśūdrasaṃghānām abhavat supriyastadā // (11.2) Par.?

yacca kiṃcit purā pāpaṃ dhṛtarāṣṭrasutaiḥ kṛtam / (12.1) Par.?

akṛtvā hṛdi tad rājā taṃ nṛpaṃ so 'nvavartata // (12.2) Par.?

yaśca kaścinnaraḥ kiṃcid apriyaṃ cāmbikāsute / (13.1) Par.?

kurute dveṣyatām eti sa kaunteyasya dhīmataḥ // (13.2) Par.?

na rājño dhṛtarāṣṭrasya na ca duryodhanasya vai / (14.1) Par.?

uvāca duṣkṛtaṃ kiṃcid yudhiṣṭhirabhayānnaraḥ // (14.2) Par.?

dhṛtyā tuṣṭo narendrasya gāndhārī vidurastathā / (15.1) Par.?

śaucena cājātaśatror na tu bhīmasya śatruhan // (15.2) Par.?

anvavartata bhīmo 'pi niṣṭanan dharmajaṃ nṛpam / (16.1) Par.?

dhṛtarāṣṭraṃ ca samprekṣya sadā bhavati durmanāḥ // (16.2) Par.?

rājānam anuvartantaṃ dharmaputraṃ mahāmatim / (17.1) Par.?

anvavartata kauravyo hṛdayena parāṅmukhaḥ // (17.2) Par.?