Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5362
  • Click on a sentence to show its analysis
  • Keep the mouse pointer over a lemma to show its meanings.
mārkaṇḍeya uvāca / (1.1) Par.?
tato nārāyaṇo devastasmai sarvaṃ pradāya vai / (1.2) Par.?
kālayogena viśvātmā samaṃ cakre 'tha tumbaroḥ // (1.3) Par.?
nāradaṃ muniśārdūlamevaṃ vṛttamabhūtpurā / (2.1) Par.?
nārāyaṇasya gītānāṃ gānaṃ śreṣṭhaṃ punaḥ punaḥ // (2.2) Par.?
gānenārādhito viṣṇuḥ satkīrtijñānavarcasī / (3.1) Par.?
dadāti tuṣṭiṃ sthānaṃ ca yathāsau kauśikasya vai // (3.2) Par.?
padmākṣaprabhṛtīnāṃ ca saṃsiddhiṃ pradadau hariḥ / (4.1) Par.?
tasmāttvayā mahārāja viṣṇukṣetre viśeṣataḥ // (4.2) Par.?
arcanaṃ gānanṛtyādyaṃ vādyotsavasamanvitam / (5.1) Par.?
kartavyaṃ viṣṇubhaktairhi puruṣairaniśaṃ nṛpa // (5.2) Par.?
śrotavyaṃ ca sadā nityaṃ śrotavyo'sau haristathā / (6.1) Par.?
viṣṇukṣetre tu yo vidvān kārayedbhaktisaṃyutaḥ // (6.2) Par.?
gānanṛtyādikaṃ caiva viṣṇvākhyānāṃ kathāṃ tathā / (7.1) Par.?
jātismṛtiṃ ca medhāṃ ca tathaivoparame smṛtim // (7.2) Par.?
prāpnoti viṣṇusāyujyaṃ satyametannṛpādhipa / (8.1) Par.?
etatte kathitaṃ rājan yanmāṃ tvaṃ paripṛcchasi // (8.2) Par.?
kiṃ vadāmi ca te bhūyo vada dharmabhṛtāṃ vara // (9.1) Par.?
iti śrīliṅgamahāpurāṇe uttarabhāge viṣṇumāhātmyaṃ nāma dvitīyo 'dhyāyaḥ // (10.1) Par.?
Duration=0.049622058868408 secs.