Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4581

Click on a sentence to show its analysis
Keep the mouse pointer over a lemma to show its meanings.

ato'bhrapattrajāraṇottaraṃ rāgasaṃskāraṃ lakṣayati susiddhabījeti // (1) Par.?

susiddhaṃ yathāvidhi sādhitaṃ yad bījam abhrakasattvadhātvādicūrṇaṃ tajjāraṇena pāradasya yā bījadhātvādyanurūpā varṇotpattis tad rañjanam // (2) Par.?

tatra bījasādhanavidhistu siddhabījalakṣaṇavyākhyāyāṃ prāgukta eva // (3) Par.?

jāraṇāvidhistu triṃśattame'dhyāye sphuṭībhaviṣyati // (4) Par.?

ādiśabdo maṇirasoparasādiparigrahaḥ // (5) Par.?

rāgadravyodāharaṇaṃ vidhiśca rasahṛdaye // (6) Par.?

yathā / (7.1) Par.?

jīrṇābhrako rasendro darśayati ghanānurūpiṇīṃ chāyām / (7.2) Par.?

kṛṣṇāṃ raktāṃ pītāṃ sītāṃ tathā saṃkarairmiśrām // (7.3) Par.?

tathā / (8.1) Par.?

krāmati tīkṣṇena rasastīkṣṇena ca jīryate kṣaṇādgrāsaḥ / (8.2) Par.?

hemno yonistīkṣṇaṃ rāgān gṛhṇāti tīkṣṇena // (8.3) Par.?

tadapi ca daradena hataṃ hatvā vā mākṣikeṇa ravisahitam / (9.1) Par.?

vāsitamapi vāsanayā ghanavaccāryaṃ ca jāryaṃ ca / (9.2) Par.?

vāsanayā vāsanauṣadhena vāsitaṃ bhāvitamityarthaḥ // (9.3) Par.?

tathā / (10.1) Par.?

kāntaṃ vā tīkṣṇaṃ vā kāñcīṃ vā vajrasasyakādīnām / (10.2) Par.?

ekatamaṃ sarvaṃ vā rasarañjane saṃkaro'pīṣṭaḥ // (10.3) Par.?

kāñcīṃ svarṇamākṣikam // (11) Par.?

ādiśabdena hīrakacapalādaya upadhātavaścaikatra militā apīṣṭāḥ // (12) Par.?

kuṭile balamadhikaṃ rāgastīkṣṇe tu pannage snehaḥ // (13) Par.?

rāgasnehabalāni tu kamale śaṃsanti dhātuvidaḥ // (14) Par.?

Duration=0.066254854202271 secs.