Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 565

Click on a sentence to show its analysis
Keep the mouse pointer over a lemma to show its meanings.

nadyās tīre guḍaśakaṭaṃ paryastam ityāder nirmūlasyāpi pravādasya ekāntena na mithyātvaṃ kadācit saṃvāditatvāt // (1) Par.?

tataś ca sarvapravādo na satya ity etan na yuktimat na pramāṇopapannam iti yāvat samūlatve sati mithyātvāsiddheḥ // (2) Par.?

mūlaṃ cāsyāgamaḥ // (3) Par.?

tathā cāhuḥ / (4.1) Par.?

prasiddhim āgamaḥ prāpto loka ity abhidhīyate / (4.2) Par.?

iti // (4.3) Par.?

atha nirmūlo yaḥ pravādaḥ sa cen mithyārūpaḥ tad apy ayuktaṃ yasmād evaṃ kalpyamāne bhūtānāṃ sarvāḥ pravṛttayo vyāhanyeran // (5) Par.?

sarvo hi hitaprepsur ahitajihāsur vā na pramāṇaghaṭanāṃ kṛtvā tāṃ puraskṛtya lokavyavahāre dṛṣṭaphale sevākṛṣyādāv adṛṣṭaphale veṣṭāpūrtādau pravartate kiṃ tu prāyaśo gatānugatikapravādamātrādhivāsitamatiḥ // (6) Par.?

kīdṛśaṃ ca bhavatā pravādasya mūlam anveṣṭavyam // (7) Par.?

yadi cirakālapravṛttatvena bahujanoddhoṣsthayamāṇatvaṃ tad yuktam eva // (8) Par.?

anyathā pravāda eva nāsau tathā ca sati nāsya mithyātvam // (9) Par.?

cirataram anekajanaprathitatve 'pi kuto 'syodbhava ity evaṃ vidhimūlaṃ parīkṣyate tarhy āgamaparīkṣaiveyaṃ na lokavādavicāraḥ // (10) Par.?

na caitad evaṃ yato bhavadbhir api śrutirūpād āgamād anya eva sajjanasevito vyavahāraḥ śiṣṭācārākhyo dharmamūlatvenābhyupagata ity alaṃ pradveṣeṇa // (11) Par.?

tad evaṃ samūlena lokapravādeneśvarākhyaviśiṣṭadevatāsaṃbhavaḥ // (12) Par.?

tathā hi // (13) Par.?

Duration=0.052731037139893 secs.