Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 1915

Click on a sentence to show its analysis
Keep the mouse pointer over a lemma to show its meanings.

itthaṃpratipāditasvarūpam etat karma māyādikālāgnyantādhvavartidehendriyārthapravartakam ityatraivāsya prabhaviṣṇutā māyordhvaṃ praśamanāt // (1) Par.?

taccaitad yadyapi vyāpārajanyaṃ tathāpi pravāhanityatvād ādimattvaṃ nāsyopapadyata iti carcitaprāyam // (2) Par.?

kiṃca etat karma śubhasvarūpatvāt puṇyavyañjakam api sat rodhi rodhakaṃ saṃsārakāraṇam ityarthaḥ // (3) Par.?

kuta ityāha sadyanna muktaye yasmāt puṇyātmakam api karma sat vidyamānaṃ na muktaye nāpavargāya api tu tatpratibandhāyaiva kalpate yat karmakṣayāt tatsāmyād vā śaktipātānusārasamāsāditānugrahāṇām eva kaivalyam // (4) Par.?

nanu sadyanna muktaye ityayuktam uktaṃ satyapi karmaṇi tatsāmyānmukter āmnātatvāt // (5) Par.?

yaduktaṃ śrīmatkiraṇe / (6.1) Par.?

same karmaṇi saṃjāte kālāntaravaśāttataḥ / (6.2) Par.?

tīvraśaktinipātena guruṇā dīkṣito yadā // (6.3) Par.?

sarvajñaḥ sa śivo yadvat / (7.1) Par.?

iti // (7.2) Par.?

naiṣa doṣastathāvidhasya karmaṇaḥ sato 'pyasattvaṃ parasparapratibaddhaśaktitvenāphalatvāt dīkṣottarakālakṛtakarmavat // (8) Par.?

yaduktaṃ kheṭakanandanena / (9.1) Par.?

kṛtam api phalāya na syād dīkṣoparyūṣaroptabījam iva / (9.2) Par.?

balavadviśeṣaśāstravyatikarajātaṃ vihāya karmaikam // (9.3) Par.?

iti // (10) Par.?

Duration=0.055567979812622 secs.