Texts

amātyasampadopetāḥ sarvādhyakṣāḥ śaktitaḥ karmasu niyojyāḥ // (1.1) Par.?

karmasu caiṣāṃ nityaṃ parīkṣāṃ kārayet cittānityatvān manuṣyānām // (2.1) Par.?

aśvasadharmāṇo hi manuṣyā niyuktāḥ karmasu vikurvate // (3.1) Par.?

tasmāt kartāraṃ karaṇaṃ deśaṃ kālaṃ kāryaṃ prakṣepam udayaṃ caiṣu vidyāt // (4.1) Par.?

te yathāsaṃdeśam asaṃhatā avigṛhītāḥ karmāṇi kuryuḥ // (5.1) Par.?

saṃhatā bhakṣayeyuḥ vigṛhītā vināśayeyuḥ // (6.1) Par.?

na cānivedya bhartuḥ kaṃcid ārambhaṃ kuryuḥ anyatrāpatpratīkārebhyaḥ // (7.1) Par.?

pramādasthāneṣu caiṣām atyayaṃ sthāpayed divasavetanavyayadviguṇam // (8.1) Par.?

yaścaiṣāṃ yathādiṣṭam arthaṃ saviśeṣaṃ vā karoti sa sthānamānau labheta // (9.1) Par.?

alpāyatiścen mahāvyayo bhakṣayati // (10.1) Par.?

viparyaye yathāyativyayaśca na bhakṣayati ityācāryāḥ // (11.1) Par.?

apasarpeṇaivopalabhyeteti kauṭilyaḥ // (12.1) Par.?

yaḥ samudayaṃ parihāpayati sa rājārthaṃ bhakṣayati // (13.1) Par.?

sa ced ajñānādibhiḥ parihāpayati tad enaṃ yathāguṇaṃ dāpayet // (14.1) Par.?

yaḥ samudayaṃ dviguṇam udbhāvayati sa janapadaṃ bhakṣayati // (15.1) Par.?

sa ced rājārtham upanayatyalpāparādhe vārayitavyaḥ mahati yathāparādhaṃ daṇḍayitavyaḥ // (16.1) Par.?

yaḥ samudayaṃ vyayam upanayati sa puruṣakarmāṇi bhakṣayati // (17.1) Par.?

sa karmadivasadravyamūlyapuruṣavetanāpahāreṣu yathāparādhaṃ daṇḍayitavyaḥ // (18.1) Par.?

tasmād asya yo yasminn adhikaraṇe śāsanasthaḥ sa tasya karmaṇo yāthātathyam āyavyayau ca vyāsasamāsābhyām ācakṣīta // (19.1) Par.?

mūlaharatādātvikakadaryāṃśca pratiṣedhayet // (20.1) Par.?

yaḥ pitṛpaitāmaham artham anyāyena bhakṣayati sa mūlaharaḥ // (21.1) Par.?

yo yad yad utpadyate tat tad bhakṣayati sa tādātvikaḥ // (22.1) Par.?

yo bhṛtyātmapīḍābhyām upacinotyarthaṃ sa kadaryaḥ // (23.1) Par.?

sa pakṣavāṃśced anādeyaḥ viparyaye paryādātavyaḥ // (24.1) Par.?

yo mahatyarthasamudaye sthitaḥ kadaryaḥ saṃnidhatte 'vanidhatte 'vasrāvayati vā saṃnidhatte svaveśmani avanidhatte paurajānapadeṣu avasrāvayati paraviṣaye tasya sattrī mantrimitrabhṛtyabandhupakṣam āgatiṃ gatiṃ ca dravyāṇām upalabheta // (25.1) Par.?

yaścāsya paraviṣaye saṃcāraṃ kuryāt tam anupraviśya mantraṃ vidyāt // (26.1) Par.?

suvidite śatruśāsanāpadeśenainaṃ ghātayet // (27.1) Par.?

tasmād asyādhyakṣāḥ saṃkhyāyakalekhakarūpadarśakanīvīgrāhakottarādhyakṣasakhāḥ karmaṇi kuryuḥ // (28.1) Par.?

uttarādhyakṣā hastyaśvarathārohāḥ // (29.1) Par.?

teṣām antevāsinaḥ śilpaśaucayuktāḥ saṃkhyāyakādīnām apasarpāḥ // (30.1) Par.?

bahumukhyam anityaṃ cādhikaraṇaṃ sthāpayet // (31.1) Par.?

yathā hy anāsvādayituṃ na śakyaṃ jihvātalasthaṃ madhu vā viṣaṃ vā / (32.1) Par.?

arthastathā hyarthacareṇa rājñaḥ svalpo 'py anāsvādayituṃ na śakyaḥ // (32.2) Par.?

matsyā yathāntaḥ salile caranto jñātuṃ na śakyāḥ salilaṃ pibantaḥ / (33.1) Par.?

yuktāstathā kāryavidhau niyuktā jñātuṃ na śakyā dhanam ādadānāḥ // (33.2) Par.?

api śakyā gatir jñātuṃ patatāṃ khe patatriṇām / (34.1) Par.?

na tu pracchannabhāvānāṃ yuktānāṃ caratāṃ gatiḥ // (34.2) Par.?

āsrāvayeccopacitān viparyasyecca karmasu / (35.1) Par.?

yathā na bhakṣayantyarthaṃ bhakṣitaṃ nirvamanti vā // (35.2) Par.?

na bhakṣayanti ye tvarthān nyāyato vardhayanti ca / (36.1) Par.?

nityādhikārāḥ kāryāste rājñaḥ priyahite ratāḥ // (36.2) Par.?