Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Public disasters, catastrophies
Show parallels Show headlines
Use dependency labeler
Chapter id: 11739
- Click on a sentence to show its analysis
- Keep the mouse pointer over a lemma to show its meanings.
daivānyaṣṭau mahābhayāni agnir udakaṃ vyādhir durbhikṣaṃ mūṣikā vyālāḥ sarpā rakṣāṃsīti // (1.1) Par.?
tebhyo janapadaṃ rakṣet // (2.1) Par.?
grīṣme bahiradhiśrayaṇaṃ grāmāḥ kuryuḥ daśamūlīsaṃgraheṇādhiṣṭhitā vā // (3.1) Par.?
nāgarikapraṇidhāvagnipratiṣedho vyākhyātaḥ niśāntapraṇidhau rājaparigrahe ca // (4.1) Par.?
balihomasvastivācanaiḥ parvasu cāgnipūjāḥ kārayet // (5.1) Par.?
varṣārātram ānūpagrāmāḥ pūravelām utsṛjya vaseyuḥ // (6.1) Par.?
kāṣṭhaveṇunāvaś copagṛhṇīyuḥ // (7.1) Par.?
uhyamānam alābudṛtiplavagaṇḍikāveṇikābhistārayeyuḥ // (8.1) Par.?
anabhisaratāṃ dvādaśapaṇo daṇḍaḥ anyatra plavahīnebhyaḥ // (9.1) Par.?
parvasu ca nadīpūjāḥ kārayet // (10.1) Par.?
māyāyogavido vedavido vā varṣam abhicareyuḥ // (11.1) Par.?
varṣāvagrahe śacīnāthagaṅgāparvatamahākacchapūjāḥ kārayet // (12.1) Par.?
vyādhibhayam aupaniṣadikaiḥ pratīkāraiḥ pratikuryuḥ auṣadhaiścikitsakāḥ śāntiprāyaścittair vā siddhatāpasāḥ // (13.1) Par.?
tena marako vyākhyātaḥ // (14.1) Par.?
tīrthābhiṣecanaṃ mahākacchavardhanaṃ gavāṃ śmaśānāvadohanaṃ kabandhadahanaṃ devarātriṃ ca kārayet // (15.1) Par.?
paśuvyādhimarake sthānārthanīrājanaṃ svadaivatapūjanaṃ ca kārayet // (16.1) Par.?
durbhikṣe rājā bījabhaktopagrahaṃ kṛtvānugrahaṃ kuryāt durgasetukarma vā bhaktānugraheṇa bhaktasaṃvibhāgaṃ vā deśanikṣepaṃ vā // (17.1) Par.?
mitrāṇi vā vyapāśrayeta karśanaṃ vamanaṃ vā kuryāt // (18.1) Par.?
niṣpannasasyam anyaviṣayaṃ vā sajanapado yāyāt samudrasarastaṭākāni vā saṃśrayeta // (19.1) Par.?
dhānyaśākamūlaphalāvāpān vā setuṣu kurvīta mṛgapaśupakṣivyālamatsyārambhān vā // (20.1) Par.?
mūṣikabhaye mārjāranakulotsargaḥ // (21.1) Par.?
teṣāṃ grahaṇahiṃsāyāṃ dvādaśapaṇo daṇḍaḥ śunām anigrahe cānyatrāraṇyacarebhyaḥ // (22.1) Par.?
snuhikṣīraliptāni dhānyāni visṛjed upaniṣadyogayuktāni vā // (23.1) Par.?
mūṣikakaraṃ vā prayuñjīta // (24.1) Par.?
śāntiṃ vā siddhatāpasāḥ kuryuḥ // (25.1) Par.?
parvasu ca mūṣikapūjāḥ kārayet // (26.1) Par.?
tena śalabhapakṣikrimibhayapratīkārā vyākhyātāḥ // (27.1) Par.?
vyālabhaye madanarasayuktāni paśuśavāni prasṛjenmadanakodravapūrṇānyaudaryāṇi vā // (28.1) Par.?
lubdhakāḥ śvagaṇino vā kūṭapañjarāvapātaiścareyuḥ // (29.1) Par.?
āvaraṇinaḥ śastrapāṇayo vyālān abhihanyuḥ // (30.1) Par.?
anabhisartur dvādaśapaṇo daṇḍaḥ // (31.1) Par.?
sa eva lābho vyālaghātinaḥ // (32.1) Par.?
parvasu ca parvatapūjāḥ kārayet // (33.1) Par.?
tena mṛgapaśupakṣisaṃghagrāhapratīkārā vyākhyātāḥ // (34.1) Par.?
sarpabhaye mantrair oṣadhibhiśca jāṅgulīvidaścareyuḥ // (35.1) Par.?
sambhūya vāpi sarpān hanyuḥ // (36.1) Par.?
atharvavedavido vābhicareyuḥ // (37.1) Par.?
parvasu ca nāgapūjāḥ kārayet // (38.1) Par.?
tenodakaprāṇibhayapratīkārā vyākhyātāḥ // (39.1) Par.?
rakṣobhaye rakṣoghnānyatharvavedavido māyāyogavido vā karmāṇi kuryuḥ // (40.1) Par.?
parvasu ca vitardicchatrollopikāhastapatākācchāgopahāraiś caityapūjāḥ kārayet // (41.1) Par.?
caruṃ vaścarāmaḥ ityevaṃ sarvabhayeṣvahorātraṃ careyuḥ // (42.1) Par.?
sarvatra copahatān pitevānugṛhṇīyāt // (43.1) Par.?
māyāyogavidastasmād viṣaye siddhatāpasāḥ / (44.1) Par.?
vaseyuḥ pūjitā rājñā daivāpatpratikāriṇaḥ // (44.2) Par.?
Duration=0.15408992767334 secs.