Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 7303
  • Click on a sentence to show its analysis
  • Keep the mouse pointer over a lemma to show its meanings.
svabalopaghātapratīkāra
svapakṣe paraprayuktānāṃ dūṣīviṣagarāṇāṃ pratīkāraḥ // (1.1) Par.?
śleṣmātakakapitthadantidantaśaṭhagojiśirīṣapāṭalībalāsyonāgapunarnavāśvetavāraṇakvāthayuktam candanasālāvṛkīlohitayuktaṃ nejanodakaṃ rājopabhogyānāṃ guhyaprakṣālanaṃ strīṇām senāyāśca viṣapratīkāraḥ // (2.1) Par.?
pṛṣatanakulanīlakaṇṭhagodhāpittayuktaṃ mahīrājīcūrṇaṃ sinduvāritavaraṇavāruṇītaṇḍulīyakaśataparvāgrapiṇḍītakayogo madanadoṣaharaḥ // (3.1) Par.?
sṛgālavinnāmadanasinduvāritavaraṇavāraṇavalīmūlakaṣāyāṇām anyatamasya samastānāṃ vā kṣīrayuktaṃ pānaṃ madanadoṣaharam // (4.1) Par.?
kaiḍaryapūtitilatailam unmādaharaṃ nastaḥkarma // (5.1) Par.?
priyaṅgunaktamālayogaḥ kuṣṭhaharaḥ // (6.1) Par.?
kuṣṭhalodhrayogaḥ pākaśoṣaghnaḥ // (7.1) Par.?
kaṭphaladravantīviḍaṅgācūrṇaṃ nastaḥkarma śirorogaharam // (8.1) Par.?
priyaṅgumañjiṣṭhātagaralākṣārasamadhukaharidrākṣaudrayogo rajjūdakaviṣaprahārapatananiḥsaṃjñānāṃ punaḥpratyānayanāya // (9.1) Par.?
manuṣyāṇām akṣamātram gavāśvānāṃ dviguṇam caturguṇaṃ hastyuṣṭrāṇām // (10.1) Par.?
rukmagarbhaścaiṣāṃ maṇiḥ sarvaviṣaharaḥ // (11.1) Par.?
jīvantīśvetāmuṣkakapuṣpavandākānām akṣīve jātasyāśvatthasya maṇiḥ sarvaviṣaharaḥ // (12.1) Par.?
tūryāṇāṃ taiḥ praliptānāṃ śabdo viṣavināśanaḥ / (13.1) Par.?
liptadhvajaṃ patākāṃ vā dṛṣṭvā bhavati nirviṣaḥ // (13.2) Par.?
etaiḥ kṛtvā pratīkāraṃ svasainyānām athātmanaḥ / (14.1) Par.?
amitreṣu prayuñjīta viṣadhūmāmbudūṣaṇān // (14.2) Par.?
Duration=0.40035486221313 secs.