Texts

ayaṃ ha vā asyaiṣo 'nirukta ātmā yad ukthyaḥ / (1.1) Par.?

so 'syaiṣa ātmaiva / (1.2) Par.?

ātmā hy ayam aniruktaḥ prāṇaḥ / (1.3) Par.?

so 'syaiṣa āyur eva / (1.4) Par.?

tasmād anayā gṛhṇāti / (1.5) Par.?

asyai hi sthālī bhavati / (1.6) Par.?

sthālyā hy enaṃ gṛhṇāti / (1.7) Par.?

ajarā hīyam amṛtā / (1.8) Par.?

ajaraṃ hy amṛtam āyuḥ / (1.9) Par.?

tasmād anayā gṛhṇāti // (1.10) Par.?

taṃ vai pūrṇaṃ gṛhṇāti / (2.1) Par.?

sarvaṃ vai tad yat pūrṇam / (2.2) Par.?

sarvaṃ tad yad āyuḥ / (2.3) Par.?

tasmāt pūrṇaṃ gṛhṇāti // (2.4) Par.?

tasyāsāv eva dhruva āyuḥ / (3.1) Par.?

ātmaivāsyaitena saṃhitaḥ parvāṇi saṃtatāni / (3.2) Par.?

tad vā agṛhīta evaitasmād acchāvākāyottamo graho bhavati // (3.3) Par.?

atha rājānam upāvaharati / (4.1) Par.?

tṛtīyaṃ vasatīvarīṇām avanayati / (4.2) Par.?

tat parva samaiti / (4.3) Par.?

prathamam ahottarasya savanasya karoty uttamam pūrvasya / (4.4) Par.?

sa yad uttarasya savanasya tat pūrvaṃ karoti yat pūrvasya tad uttamam / (4.5) Par.?

tad vyatiṣajati / (4.6) Par.?

tasmād imāni parvāṇi vyatiṣaktāni / (4.7) Par.?

idam ittham atihānam idam ittham // (4.8) Par.?

evam eva mādhyandine savane / (5.1) Par.?

agṛhīta evaitasmād acchāvākāyottamo graho bhavati / (5.2) Par.?

atha tṛtīyaṃ vasatīvarīṇām avanayati / (5.3) Par.?

tat parva samaiti / (5.4) Par.?

prathamam ahottarasya savanasya karoty uttamam pūrvasya / (5.5) Par.?

sa yad uttarasya tat pūrvaṃ karoti yat pūrvasya tad uttamam / (5.6) Par.?

tad vyatiṣajati / (5.7) Par.?

tasmād imāni parvāṇi vyatiṣaktāni / (5.8) Par.?

idam ittham atihānam idam ittham / (5.9) Par.?

tad yad asyaitenātmā saṃhitas tenāsyaiṣa āyuḥ // (5.10) Par.?

saiṣā kāmadughaivendrasyoddhāraḥ / (6.1) Par.?

tribhya evainam prātaḥsavana ukthebhyo vigṛhṇāti tribhyo mādhyandine savane / (6.2) Par.?

tat ṣaṭ kṛtvaḥ / (6.3) Par.?

ṣaḍ vā ṛtavaḥ / (6.4) Par.?

ṛtavo vā imānt sarvān kāmān pacanti / (6.5) Par.?

eteno haiṣā kāmadughaivendrasyoddhāraḥ // (6.6) Par.?

taṃ vā apurorukkaṃ gṛhṇāti / (7.1) Par.?

ukthaṃ hi puroruk / (7.2) Par.?

ṛgghi puroruk / (7.3) Par.?

ṛgghy uktham / (7.4) Par.?

sāma grahaḥ / (7.5) Par.?

atha yad anyaj japati tad yajuḥ / (7.6) Par.?

tā haitā abhyardha evāgra ṛgbhya āsur abhyardho yajurbhyo 'bhyardhaḥ sāmabhyaḥ // (7.7) Par.?

te devā abruvan hantemā yajuḥṣu dadhāma / (8.1) Par.?

tatheyam bahulatareva vidyā bhaviṣyatīti / (8.2) Par.?

tā yajuḥṣv adadhuḥ / (8.3) Par.?

tata eṣā bahulatareva vidyābhavat // (8.4) Par.?

taṃ yad apurorukkaṃ gṛhṇāti / (9.1) Par.?

ukthaṃ hi puroruk / (9.2) Par.?

ṛgghi puroruk / (9.3) Par.?

ṛgghyuktham / (9.4) Par.?

sa yad evainam ukthebhyo vigṛhṇāti teno hāsyaiṣa puroruṅmān bhavati / (9.5) Par.?

tasmād apurorukkaṃ gṛhṇāti // (9.6) Par.?

athāto gṛhṇāty evopayāmagṛhīto 'sīndrāya tvā bṛhadvate vayasvata iti / (10.1) Par.?

indro vai yajñasya devatā / (10.2) Par.?

tasmād āhendrāya tveti / (10.3) Par.?

bṛhadvate vayasvata iti vīryavata ity evaitad āha yad āha bṛhadvate vayasvata iti / (10.4) Par.?

ukthāvyaṃ gṛhṇāmīti / (10.5) Par.?

ukthebhyo hy enaṃ gṛhṇāti / (10.6) Par.?

yat ta indra bṛhad vaya iti yat ta indra vīryam ity evaitad āha / (10.7) Par.?

tasmai tvā viṣṇave tveti / (10.8) Par.?

yajñasya hy enam āyuṣe gṛhṇāti / (10.9) Par.?

tasmād āha tasmai tvā viṣṇave tveti / (10.10) Par.?

eṣa te yonir ukthebhyas tveti sādayati / (10.11) Par.?

ukthebhyo hy enaṃ gṛhṇāti // (10.12) Par.?

taṃ vigṛhṇāti devebhyas tvā devāvyaṃ yajñasyāyuṣe gṛhṇāmīti / (11.1) Par.?

praśāsanaṃ sa kuryād ya evaṃ kuryāt / (11.2) Par.?

yathādevataṃ tv eva vigṛhṇīyāt // (11.3) Par.?

mitrāvaruṇābhyāṃ tvā devāvyaṃ yajñasyāyuṣe gṛhṇāmīty eva maitrāvaruṇāya / (12.1) Par.?

maitrāvaruṇīṣu hi tasmai stuvate / (12.2) Par.?

maitrāvaruṇīr anuśaṃsati / (12.3) Par.?

maitrāvaruṇyā yajati // (12.4) Par.?

indrāya tvā devāvyaṃ yajñasyāyuṣe gṛhṇāmīty eva brāhmaṇācchaṃsine / (13.1) Par.?

aindrīṣu hi tasmai stuvate / (13.2) Par.?

aindrīr anuśaṃsati / (13.3) Par.?

aindryā yajati // (13.4) Par.?

indrāgnibhyāṃ tvā devāvyaṃ yajñasyāyuṣe gṛhṇāmīty evācchāvākāya / (14.1) Par.?

aindrāgnīṣu hi tasmai stuvate / (14.2) Par.?

aindrāgnīr anuśaṃsati / (14.3) Par.?

aindrāgnyā yajati / (14.4) Par.?

indrāya tvety eva mādhyandine savane / (14.5) Par.?

aindraṃ hi mādhyandinaṃ savanam // (14.6) Par.?

tad u ha carakādhvaryavo vigṛhṇanty upayāmagṛhīto 'si devebhyas tvā devāvyam ukthebhya ukthāvyaṃ mitrāvaruṇābhyāṃ juṣṭaṃ gṛhṇāmi / (15.1) Par.?

eṣa te yonir mitrāvaruṇābhyāṃ tveti sādayati / (15.2) Par.?

punarhavir asīti sthālīm abhimṛśati // (15.3) Par.?

upayāmagṛhīto 'si devebhyas tvā devāvyam ukthebhya ukthāvyam indrāya juṣṭaṃ gṛhṇāmy eṣa te yonir indrāya tveti sādayati / (16.1) Par.?

punarhavir asīti sthālīm abhimṛśati // (16.2) Par.?

upayāmagṛhīto 'si devebhyas tvā devāvyam ukthebhya ukthāvyam indrāgnibhyāṃ juṣṭaṃ gṛhṇāmy eṣa te yonir indrāgnibhyāṃ tveti sādayati / (17.1) Par.?

nātra punarhavir asīti sthālīm abhimṛśati / (17.2) Par.?

indrāya tvendrāya tvety eva mādhyandine savane / (17.3) Par.?

aindraṃ hi mādhyandinaṃ savanam / (17.4) Par.?

dvir ha punarhavir asīti sthālīm abhimṛśati / (17.5) Par.?

tūṣṇīṃ tṛtīyaṃ nidadhāti // (17.6) Par.?

taṃ vai nopayāmena gṛhṇīyān na yonau sādayet / (18.1) Par.?

agre hy evaiṣa upayāmena gṛhīto bhavaty agre yonau sanno jāmitāyai / (18.2) Par.?

jāmi ha kuryād yad enam atrāpy upayāmena gṛhṇīyād yad yonau sādayet / (18.3) Par.?

atha yat punarhavir asīti sthālīm abhimṛśati punar hy asyai grahaṃ grahīṣyan bhavati / (18.4) Par.?

na tad ādriyeta / (18.5) Par.?

tūṣṇīm eva nidadhyāt // (18.6) Par.?