Texts

Help

Select a text:
Bibliography

Select a chapter:
(no revisions)

Associated topic(s): Yoga

Show parallels Show headlines
Use dependency labeler

Chapter id: 7480

Click on a sentence to show its analysis
Keep the mouse pointer over a lemma to show its meanings.

tad evaṃ prathamadvitīyatṛtīyapādaiḥ samādhitatsādhanatadvibhūtayaḥ prādhānyena vyutpāditāḥ // (1.1) Par.?

itarattu prāsaṅgikam aupodghātikaṃ coktam // (2.1) Par.?

ihedānīṃ taddhetukaṃ kaivalyaṃ vyutpādanīyam // (3.1) Par.?

na caitatkaivalyabhāgīyaṃ cittaṃ paralokaṃ ca paralokinaṃ vijñānātiriktaṃ cittakaraṇasukhādyātmakaśabdādyupabhoktāram ātmānaṃ ca prasaṃkhyānaparamakāṣṭhāṃ ca vinā vyutpādya śakyaṃ vaktumiti tad etat sarvam atra pāde vyutpādanīyam itaracca prasaṅgād upodghātād vā // (4.1) Par.?

tatra prathamaṃ siddhacitteṣu kaivalyabhāgīyaṃ cittaṃ nirdhārayitukāmaḥ pañcatayīṃ siddhim āha janmauṣadhimantratapaḥsamādhijāḥ siddhayaḥ // (5.1) Par.?

vyācaṣṭe dehāntariteti // (6.1) Par.?

svargopabhogabhāgīyāt karmaṇo manuṣyajātīyācaritāt kutaścin nimittāl labdhaparipākāt kvacid devanikāye jātamātrasyaiva divyadehāntaritā siddhiraṇimādyā bhavatīti // (7.1) Par.?

oṣadhisiddhim āha asurabhavaneṣviti // (8.1) Par.?

manuṣyo hi kutaścinnimittād asurabhavanam upasaṃprāptaḥ kamanīyābhir asurakanyābhir upanītaṃ rasāyanam upayujyājarāmaraṇatvam anyāśca siddhīr āsādayati // (9.1) Par.?

ihaiva vā rasāyanopayogena yathā māṇḍavyo munī rasopayogād vindhyavāsīti // (10.1) Par.?

mantrasiddhim āha mantrair iti // (11.1) Par.?

tapaḥsiddhimāha tapaseti // (12.1) Par.?

saṃkalpasiddhim āha kāmarūpīti // (13.1) Par.?

yadeva kāmayate'ṇimādi tadekapade 'sya bhavatīti // (14.1) Par.?

yatra kāmayate śrotuṃ vā mantuṃ vā tatra tadeva śṛṇoti manute veti // (15.1) Par.?

ādiśabdāddarśanādayaḥ saṃgṛhītā iti // (16.1) Par.?

samādhijāḥ siddhayo vyākhyātā adhastane pāde // (17.1) Par.?

Duration=0.08234691619873 secs.