Texts

namo devavadhebhyo namo rājavadhebhyaḥ / (1.1) Par.?

atho ye viśyānāṃ vadhās tebhyo mṛtyo namāṃsi te // (1.2) Par.?

namas te adhivākāya parāvākāya te namaḥ / (2.1) Par.?

sumatyai mṛtyo te namo durmatyai ta idaṃ namaḥ // (2.2) Par.?

namas te yātudhānebhyo namas te bheṣajebhyaḥ / (3.1) Par.?

mūlebhyo mṛtyo te namo brāhmaṇebhya idaṃ namaḥ // (3.2) Par.?

nava ca yā navatiś ca saṃyanti manyā abhi / (4.1) Par.?

itas tāḥ sarvā naśyantu vākā apacitām iva // (4.2) Par.?

sapta ca yāḥ saptatiś ca saṃyanti skandhyā abhi / (5.1) Par.?

itas tāḥ sarvā naśyantu vākā apacitām iva // (5.2) Par.?

pañca ca yāḥ pañcāśac ca saṃyanti graivyā abhi / (6.1) Par.?

itas tāḥ sarvā naśyantu vākā apacitām iva // (6.2) Par.?

āvayo anāvayo rasas ta ugra āvayo / (7.1) Par.?

ā te karambham adimahi sa hi na tvam asi yas tvam ātmānam āvayaḥ // (7.2) Par.?

babhruś ca babhrukarṇaś ca nīlāgalasālā śivaḥ paśya // (8.1) Par.?

tauvilike 'velayāvāyam ailaba ailayīt / (9.1) Par.?

vīhi svām āhutiṃ juṣāṇo manasā svāhā // (9.2) Par.?

svāhā manasā yad idaṃ kṛṇomi yasyās ta āsañ juhomi ghore / (10.1) Par.?

eṣāṃ baddhānām avasarjanāya kam // (10.2) Par.?

bhūmir iti tvābhi pra manvate janā nirṛtir iti tvāhaṃ pari veda viśvataḥ / (11.1) Par.?

bhūte haviṣmaty asy eṣa te bhāgas tena te vidheyaṃ svāhā // (11.2) Par.?

evo ṣv asmat tvaṃ nirṛte viśvavāre ayasmayān pra mumugdhi pāśān / (12.1) Par.?

yamena tvaṃ yamyā saṃvidānā yo 'smān dveṣṭi yaṃ vayaṃ dviṣmas tasmin tān pāśān prati muñca sarvān // (12.2) Par.?

uttamo asy oṣadhīnāṃ tava vṛkṣā upastayaḥ / (13.1) Par.?

upastir asmākaṃ bhūyād yo asmāṁ abhidāsati // (13.2) Par.?

sabandhuś cāsabandhuś ca yo 'smāṁ abhidāsati / (14.1) Par.?

sabandhūn sarvāṃs tīrtvāhaṃ bhūyāsam uttamaḥ // (14.2) Par.?

yathā soma oṣadhīnām uttamaṃ havir ucyate / (15.1) Par.?

evā tvam iva vṛkṣāṇām ahaṃ bhūyāsam uttamaḥ // (15.2) Par.?