Texts

Help

Select a text:
Bibliography
Select a chapter:
 1 revision
Show parallels  Show headlines
Use dependency labeler
Chapter id: 17485
  • Click on a sentence to show its analysis
  • Keep the mouse pointer over a lemma to show its meanings.
Sūkta 1
manase cetase dhiya ākūtaya uta cittaye / (1.1) Par.?
matyai śrutāya cakṣase vidhema haviṣā vayam // (1.2) Par.?
prāṇāyāpānāya vyānāya bhūriretase / (2.1) Par.?
sarasvatyā uruvyace vidhema haviṣā vayam // (2.2) Par.?
mā no hāsiṣur ṛṣayo daivyāsas tanūpāvānaḥ śucayas tapojāḥ / (3.1) Par.?
amartyā martyāṁ abhi naḥ sacadhvam āyur naḥ prataraṃ jīvase dhuḥ // (3.2) Par.?
Sūkta 2
idam id vā u bheṣajam idaṃ rudrasya bheṣajam / (4.1) Par.?
yeneṣum ekatejanāṃ śataśalyām apabruvan // (4.2) Par.?
jālāṣeṇābhi ṣiñcata jālāṣeṇopa siñcata / (5.1) Par.?
jālāṣaṃ bhadraṃ bheṣajaṃ tasya no dhatta jīvase // (5.2) Par.?
śaṃ ca no mayaś ca no mā ca naḥ kiṃ canāmamat / (6.1) Par.?
kṣamā rapo viśvaṃ no astu bheṣajam // (6.2) Par.?
Sūkta 3
yaśasaṃ mendro maghavān kṛṇotu yaśasaṃ somo varuṇo vāyur agniḥ / (7.1) Par.?
yaśasaṃ mā devaḥ savitā kṛṇotu priyo dātur dakṣiṇāyāḥ syām aham // (7.2) Par.?
yathendro dyāvāpṛthivyor yaśasvān yathāpa oṣadhīṣu / (8.1) Par.?
yathā viśveṣu deveṣv evā deveṣu yaśasaḥ syāma // (8.2) Par.?
accha vayam indraṃ yaśasaṃ yaśobhir yaśasvino haviṣainā vidhema / (9.1) Par.?
sa no dadhad rāṣṭram indrajūtaṃ tasya trātre adhivāke syāma // (9.2) Par.?
Sūkta 4
eha yātu varuṇaḥ somo agnir bṛhaspatir vasubhir eha yātu / (10.1) Par.?
asya śriyam abhisaṃyāta sarva ugrasya cettuḥ saṃmanasaḥ sajātāḥ // (10.2) Par.?
eha yāta māpa yātādhy asmat pūṣā vaḥ parastād apathaṃ kṛṇotu / (11.1) Par.?
vāstoṣpatir anu vo 'yam ahvan mayi sajātā ramatir vo astu // (11.2) Par.?
yo vaḥ śuṣmo hṛdayeṣv antar yākūtir manasi praviṣṭā / (12.1) Par.?
tānt srevayāmi haviṣā ghṛtena mayi sajātā ramatir vo astu // (12.2) Par.?
Sūkta 5
mama cittaṃ prayavamanyuteha indrāgnyor iva havam eta sarve / (13.1) Par.?
bṛhaspatir vo ni yunaktu mahyaṃ mama vācam ekacittāḥ sacadhvam // (13.2) Par.?
ahaṃ gṛhṇāmi manasā manāṃsi mama cittam upa cittebhir eta / (14.1) Par.?
mama vaśe hṛdayaṃ vaḥ kṛṇomi mama yātam anuvartmāna eta // (14.2) Par.?
māṃ vaś cakṣur gacchatu māṃ prāṇo dhātā padam anuvartma vaḥ kṛṇotu / (15.1) Par.?
ye vo mahānta uta ye kumārā mama yātam anu yātebhir eta // (15.2) Par.?
Duration=0.13466691970825 secs.