Texts

yās te hirā dhamanayo aṅgāny anu viṣṭhitāḥ / (1.1) Par.?

tāsāṃ te sarvāsāṃ sākaṃ nir viṣāṇi hvayāmasi // (1.2) Par.?

yāṃ te rudra iṣum āsthad aṅgebhyo hṛdayāya ca / (2.1) Par.?

imāṃ tām adya te vayaṃ viṣūcīṃ vi vṛhāmasi // (2.2) Par.?

namas te rudrāsyate namaḥ pratihitābhyaḥ / (3.1) Par.?

namo visṛjyamānābhyo namas ta āyatābhyaḥ // (3.2) Par.?

avācīḥ pari mūrdhno yās te dhamanayaḥ śatam / (4.1) Par.?

tās te pra bhidyantāṃ pṛthag anu tyaṃ lohitāvaṭam // (4.2) Par.?

syandantāṃ rocanāvatīr anu tyaṃ lohitāvaṭam / (5.1) Par.?

yathāsyām antar na raṃsantā anukūla ivodakam // (5.2) Par.?

pratīcīnaḥ sūrya eti pratīcīḥ sravataḥ kṛtāḥ / (6.1) Par.?

avācīs te asnaḥ kulyā iyaṃ pṛṇaktv oṣadhīḥ // (6.2) Par.?

imaṃ yavam aṣṭāyogaiḥ ṣaḍyogebhir acarkṛṣuḥ / (7.1) Par.?

sa ghā te tanvo rapaḥ pratīcīnam apa vyayat // (7.2) Par.?

nyag vāto vāti nyak tapati sūryaḥ / (8.1) Par.?

nīcīnam aghnyā duhe nyag bhavatu te rapaḥ // (8.2) Par.?

āpa id vā u bheṣajīr āpo amīvacātanīḥ / (9.1) Par.?

āpaḥ samudrārthā yatīḥ parā vahantu te rapaḥ // (9.2) Par.?

amī ye yudham āyanti ketūn kṛtvānīkaśaḥ / (10.1) Par.?

indras tān pary ahār dāmnā tān agne saṃ dyā tvam // (10.2) Par.?

yāvatīḥ sica āyanty anīkāni yati ṣṭhana / (11.1) Par.?

indras tān pary ahār dāmnā tān agne saṃ dyā tvam // (11.2) Par.?

saṃ paramān sam avamān atho saṃ dyāmi madhyamān / (12.1) Par.?

indras tān pary ahār dāmnā tān agne saṃ dyā tvam // (12.2) Par.?

saṃdānaṃ vo bṛhaspatiḥ saṃdānaṃ savitā karat / (13.1) Par.?

saṃdānam indraś cāgniś ca saṃdānaṃ bhago aśvinā // (13.2) Par.?

yās te ruco deva sūryodyato divy ātatāḥ / (14.1) Par.?

tābhir mām adya sarvābhir manuṣyebhyo ruce kṛṇu // (14.2) Par.?

ruce mā dhehi brahmasu ruce rājasu dhehi mā / (15.1) Par.?

ruce viśyeṣu śūdreṣu mayi dhehi ruce rucim // (15.2) Par.?

yā ruco hiraṇye yā agnau yāś ca sūrye / (16.1) Par.?

indrāgnī mayi tā ruco ruco dhehi bṛhaspate // (16.2) Par.?