Texts

Help

Select a text:
Bibliography
Select a chapter:
 1 revision
Show parallels  Show headlines
Use dependency labeler
Chapter id: 17517
  • Click on a sentence to show its analysis
  • Keep the mouse pointer over a lemma to show its meanings.
Sūkta 1
namo astu sarpebhyo ye ke ca pṛthivīm anu / (1.1) Par.?
ye antarikṣe ye divi tebhyaḥ sarpebhyo namaḥ // (1.2) Par.?
ye cāmī rocane divo ye ca sūryasya raśmiṣu / (2.1) Par.?
yeṣām apsu sadas kṛtaṃ tebhyaḥ sarpebhyo namaḥ // (2.2) Par.?
yā iṣavo yātudhānānāṃ yā vanaspatīnām / (3.1) Par.?
ye 'vaṭeṣu śerate tebhyaḥ sarpebhyo namaḥ // (3.2) Par.?
Sūkta 2
yavocchiṣṭaṃ haviṣā vardhayemaṃ yathā dyumnī kṛṇavad vīryāṇi / (4.1) Par.?
sajūr devebhir abhi bhūḥ sapatnān āyuṣmat kṣatram ajaraṃ te astu // (4.2) Par.?
puṃsā yavena haviṣā payasvatocchiṣṭasyāyū rakṣantu devāḥ / (5.1) Par.?
devā hy asmin nidadhan nṛmṇaṃ bṛhad asmā indro vayo dadhātu // (5.2) Par.?
sam ucchiṣṭasya haviṣā sam ukthaiḥ sam āyuṣā varcasā payo dadhāmi / (6.1) Par.?
devā hy asmin nidadhan nṛmṇaṃ bṛhad asmā indro vayo dadhātu // (6.2) Par.?
Sūkta 3
vāyur enāḥ samākarat tvaṣṭā poṣāya dhriyatām / (7.1) Par.?
indra ābhyo adhi bruvad rudro bhūmne cikitsatu // (7.2) Par.?
yathā cakrur devāsurā yathā manuṣyā uta / (8.1) Par.?
evā sahasrapoṣāya kṛṇutaṃ lakṣmāśvinā // (8.2) Par.?
lohitena svadhitinā mithunaṃ karṇayoḥ kṛdhi / (9.1) Par.?
akartām aśvinā lakṣma tad astu prajayā bahu // (9.2) Par.?
Sūkta 4
kṛṣṇaṃ niyānaṃ harayaḥ suparṇā apo vasānā divam ut patanti / (10.1) Par.?
ā ca vartante sadanād ṛtasyād id ghṛtena pṛthivī vy udyate // (10.2) Par.?
payasvatīḥ kṛṇuthāpa oṣadhīr imā yad ejatha maruto rukmavakṣasaḥ / (11.1) Par.?
ūrjaṃ ca tatra sumatiṃ ca pinvatha yatrā naro marutaḥ siñcathā madhu // (11.2) Par.?
udapluto marutas tāṁ iyarta vṛṣṭyā yad viśvā nivatas pṛṇātha / (12.1) Par.?
ejāti galhā kanyeva tunnairuṃ tundānā patyeva jāyā // (12.2) Par.?
Sūkta 5
tvaṣṭreva pūṣeryo damūnā mahī svastir vṛṣaṇā na āgan / (13.1) Par.?
viśvā āśāḥ sūyavasāḥ saṃrarāṇo 'syā rayyāḥ puraetā na edhi // (13.2) Par.?
eha yantu madhumad duhānā anamīvā uśatīr viśvarūpāḥ / (14.1) Par.?
bahvīr bhavantīr upajāyamānā ihendro vo ramayatu gāvaḥ // (14.2) Par.?
prajāpatir janayatu prajā imās tvaṣṭā dadhātu sumanasyamānaḥ / (15.1) Par.?
saṃvatsara ṛtubhiḥ saṃvidāno mayi puṣṭaṃ puṣṭapatir dadhātu // (15.2) Par.?
Duration=0.096115112304688 secs.