Texts

yat kiṃ cāsau manasā yac ca vācā yajñair juhoti yajuṣā havirbhiḥ / (1.1) Par.?

tan mṛtyunā nirṛtiḥ saṃvidānā purā diṣṭād ājyaṃ hantv asya // (1.2) Par.?

yātudhānā nirṛtir ād u rakṣas te asya ghnantv anṛtena satyam / (2.1) Par.?

indreṣitā ājyam asya mathnantu mā tat saṃ pādi yad asau juhoti // (2.2) Par.?

pari tvāgna ity ekā // (3.1) Par.?

svajjid adhirājau śyenau saṃpātināv iva / (4.1) Par.?

ājyaṃ pṛtanyato hataṃ yo asmān pṛtanāyati // (4.2) Par.?

pṛthivyai vanaspatibhya oṣadhībhyo agnaye adhipataye svāhā // (5.1) Par.?

antarikṣāya prāṇāya vayobhyo vāyave adhipataye svāhā // (6.1) Par.?

dive cakṣuṣe nakṣatrebhyaḥ sūryāyādhipataye svāhā // (7.1) Par.?

pippalyaḥ sam avadantāyatīr jananād adhi / (8.1) Par.?

yaṃ jīvam aśnavāmahai na sa riṣyāti pūruṣaḥ // (8.2) Par.?

pippalī kṣiptabheṣajy utātividdhabheṣajī / (9.1) Par.?

tāṃ devāḥ sam akalpayann alaṃ jīvātavā iti // (9.2) Par.?

asurās tvā ny akhanan devās tvod avapan punaḥ / (10.1) Par.?

vātīkṛtasya bheṣajī pippalī kṣiptabheṣajī // (10.2) Par.?

yad ulūko vadati mogham etad yat kapotaḥ padam agnau kṛṇoti / (11.1) Par.?

yasya dūtau prahitāv idam eyathus tasmai yamāya namo 'stu mṛtyave // (11.2) Par.?

yas te dūto nirṛta ājagāmāprahitaḥ prahito vā gṛhaṃ naḥ / (12.1) Par.?

kapotolūkāv apadaṃ tad astv avairahatyam idam ā jagantha suvīratāyā idam ā sasattha // (12.2) Par.?

yaḥ prathamaḥ pravata āsasāda bahubhyaḥ panthām anupaspaśānaḥ / (13.1) Par.?

ya īśe asya dvipado yaś catuṣpadas tasmai yamāya namo astu mṛtyave // (13.2) Par.?

yathāsitaḥ prathayate vaśāṁ anu vapūṃṣi kṛṇvann asurasya māyayā / (14.1) Par.?

evā me śepaḥ sahasāyam arka enāṅgena saṃsamakaṃ kṛṇotu // (14.2) Par.?

yāvadaṅgīnaṃ pārṣataṃ hāstinaṃ gārdabhaṃ ca yat / (15.1) Par.?

yāvad aśvasya vājinas tāvan me vardhatāṃ pasaḥ // (15.2) Par.?

yathā pasas tāyādaraṃ vātena sthūlabhaṃ kṛtam / (16.1) Par.?

yāvat parasvataḥ pasas tāvan me vardhatāṃ pasaḥ // (16.2) Par.?