Texts

somo rājā savitā ca rājā bhavo rājā bhuvanaṃ ca rājā / (1.1) Par.?

śarvo rājā śarma ca rājā ta u naḥ śarma yacchantu devāḥ // (1.2) Par.?

ādityair no bṛhaspatir bhagaḥ somena naḥ saha / (2.1) Par.?

viśve devā urv antarikṣaṃ ta u naḥ śarma yacchantu devāḥ // (2.2) Par.?

utāviddhāṃ niṣ khidatātho śrathnīthāyatām / (3.1) Par.?

mā no viśve devā maruto hetim asthata // (3.2) Par.?

apām idaṃ nyayanaṃ samudrasya niveśanam / (4.1) Par.?

madhye hradasya no gṛhāḥ parācīnā mukhā kṛdhi // (4.2) Par.?

āyane te parāyaṇe dūrvā rohatu puṣpiṇī / (5.1) Par.?

utso vātra jāyatāṃ hrado vā puṇḍarīkavān // (5.2) Par.?

himasya tvā jarāyuṇā śāle pari vyayāmasi / (6.1) Par.?

śītahradā hi no bhuvo 'gnir dadātu bheṣajam // (6.2) Par.?

ayaṃ darbho vimanyukaḥ svāya cāraṇāya ca / (7.1) Par.?

manyor vimanyuko manyuśamano astu te // (7.2) Par.?

ayaṃ yo bhūrimūlaḥ samudram avagacchati / (8.1) Par.?

darbhaḥ pṛthivyāṃ niṣṭhitaḥ sa te astu vimanyukaḥ // (8.2) Par.?

vi te hanavyāṃ śaraṇiṃ vi te mukhyāṃ nayāmasi / (9.1) Par.?

yathāvaśo na vādiṣo mama cittam upāsāsai // (9.2) Par.?

yebhiḥ pāśaiḥ parivitto vibaddhaḥ parauparāv ārpito aṅgeaṅge / (10.1) Par.?

vi te cṛtyantāṃ vicṛto hi santi bhrūṇaghni pūṣan duritāni mṛṣṭā // (10.2) Par.?

trite devā amṛjataina etat trita enan manuṣyeṣv amṛṣṭa / (11.1) Par.?

tato yadi tvā madhye na ārat tad ahaṃ tvad brahmaṇāpākaromi // (11.2) Par.?

marīcīr dhūmaṃ pra viśānu vātam udārān gacchota vā nīhāram / (12.1) Par.?

nadīnāṃ phenam anu tad vi naśyatu bhrūṇaghni pūṣan duritāni mṛṣṭā // (12.2) Par.?

agne rakṣaḥ prati daha yat kumbhyābhir ābhṛtam / (13.1) Par.?

anādhṛṣyasya pāsyaty abhūj jīvātave 'yam // (13.2) Par.?

yan nakhavad yac chaphavat prasūmat kiṃ ca puṣpavat / (14.1) Par.?

ṛvāmatsyo madhūdakaṃ tasya pāsyaty ayam anāsrāvam arogaṇam // (14.2) Par.?

yāḥ samudrāt prasravanti devīr himavatas pari / (15.1) Par.?

āpo yā viśvaśaṃbhuvas tā ihā yantu bheṣajīḥ // (15.2) Par.?