Texts

tvacāpidhāne subhage datparistaraṇe kave / (1.1) Par.?

ekām iva vraje gāṃ pari tvā varcasāsicam // (1.2) Par.?

agreṇīr iva haṃsānāṃ prapaśyantī puraspatham / (2.1) Par.?

jihve mā vivyatho mā yathāpūrvaṃ tvaṃ vada // (2.2) Par.?

varcasvad aham udyāsaṃ brahmarājanyābhyāṃ śūdrāya cāryāya ca / (3.1) Par.?

yasmai ca kāmayāmahe sarvasmai ca vipaśyate // (3.2) Par.?

arvāñcau pādau pra harārvācīnaṃ manas tava / (4.1) Par.?

arvācīnasya te yataḥ parāṅ manyur ni vartatām // (4.2) Par.?

chāgalāde bhagavo 'rvāg jyote parastamaḥ / (5.1) Par.?

ā tvā khalajñakād asmāt punar ā vartayāmasi // (5.2) Par.?

yathā vrīhīn vrīhikhale samākurvanti tūlibhiḥ / (6.1) Par.?

evā te viṣṭhitaṃ manaḥ samākaromi mām abhi // (6.2) Par.?

tvam uttamaṃ surabhiṣāṃ mādhyamaṃ vahator asi / (7.1) Par.?

tvayā vadhūr vi jaṅgahe taṃ tvā varcasa ā dade // (7.2) Par.?

mūrdhnas te mūrdhanyebhyo agruvāḥ pativatyāḥ / (8.1) Par.?

aukṣaṃ śīrṣata ā dade // (8.2) Par.?

yaś ca svādmā te aṅgeṣu yaḥ premā hṛdaye ca te / (9.1) Par.?

taṃ tvad ā veśayāmahe mayi bhrājāti dīdyat // (9.2) Par.?

vātaraṃhā vājin bhava yujyamāna indrasya yāhi prasave manojavāḥ / (10.1) Par.?

yuñjantu tvā maruto daivyāsa ā te tvaṣṭā patsu javaṃ dadhātu // (10.2) Par.?

javas te arvan nihito guhā yaḥ śyene carati yaś ca vāte / (11.1) Par.?

tena tvaṃ vājin balavān balenājiṃ jaya samane pārayiṣṇuḥ // (11.2) Par.?

āśīyān edhi manasa āśīyān edhi cakṣuṣaḥ / (12.1) Par.?

āśīyān aśva vātād bhūtvājiṃ jaya samane pārayiṣṇuḥ // (12.2) Par.?

tanūs te vājin tanvaṃ vahantī vāmam asmabhyaṃ dhātu śarma tubhyam / (13.1) Par.?

ahruto maho dharuṇāya devā divyam iva jyotiḥ svar ā mimīyāḥ // (13.2) Par.?

indro mā vakṣad akṣataṃ vṛtrahā yo vṛtaṃjayaḥ / (14.1) Par.?

sa me rathaṃ sa sārathiṃ so aśvān sādhu me nayāt // (14.2) Par.?

indro mā tena nayatu panthā yo abhayaḥ sugaḥ / (15.1) Par.?

dakṣiṇā pārayāti mā mā riṣaṃ samare yudhām // (15.2) Par.?

hṛtsuke pari ṇo nama pārigaṃ tanve kṛdhi / (16.1) Par.?

yuyuta parṇinaṃ śaram utāparṇaṃ riśāditi // (16.2) Par.?