Texts

viśve devā idaṃ havir ādityāsaḥ saparyata / (1.1) Par.?

asmin yajñe mā vyathiṣy amṛtāya haviṣ kṛtam // (1.2) Par.?

avyasaś ca vyacasaś ca bilaṃ vi ṣyāmi māyayā / (2.1) Par.?

tābhyām udbhṛtya vedam atha karmāṇi kṛṇmahe // (2.2) Par.?

yasmāt kośād udabharāma vedaṃ tasminn antar ava dadhma enam / (3.1) Par.?

kṛtam iṣṭaṃ brahmaṇo vīryeṇa tena mā devās tapasāvateha // (3.2) Par.?

vaiśvānaro ajījanad agnir no navyāṃ sumatim / (4.1) Par.?

kṣmayā vṛdhāna ojasā // (4.2) Par.?

sa naḥ pāvaka dīdihy agne vaiśvānara dyumat / (5.1) Par.?

jamadagnibhir āhutaḥ // (5.2) Par.?

diva spṛṣṭo arocatāgnir vaiśvānaro bṛhan / (6.1) Par.?

jyotiṣā bādhate tamaḥ // (6.2) Par.?

hariṇasya patatriṇaḥ śīrṣṇo bheṣajam ābhṛtam / (7.1) Par.?

tan nīlavad vilokavat tad u kṣetriyanāśanam // (7.2) Par.?

anv amaṃstānumatir anv amaṃsta vṛṣāyavaḥ / (8.1) Par.?

kīnāśā anv amaṃsatānu gāvo amaṃsata // (8.2) Par.?

namo astv āyāmibhyo nīvibhyo hṛdayāya ca / (9.1) Par.?

namaḥ kṣetrasya pataye namaḥ kṣetrasya patnyai // (9.2) Par.?

ut te hārdiṃ śocayāmi hastenābhimarīmṛśat / (10.1) Par.?

keśin vṛṣaṇyayā tava muṣkau mūrdhā ca śuṣyatām // (10.2) Par.?

agniṣ ṭvā tapatu sūryas tvā tapatu vātas tvā yuṅktāṃ marutaś ca yuñjatām / (11.1) Par.?

mṛgān marīcīr apy etu te manaḥ // (11.2) Par.?

ut tvā hanmi nipadanād ut tvā hanmi gṛhebhyaḥ / (12.1) Par.?

mā spṛkṣathā niṣadanāya sādhava ut tiṣṭha prehi sabhām // (12.2) Par.?

ut tuda śimidāvaty atho ulkāvatīṃ kuru / (13.1) Par.?

patye ca śvaśurāya ca // (13.2) Par.?

vivarhaṃ harāṃsayor asaṃjñānam atibhṛvo / (14.1) Par.?

sākam ṛṣe vi nāśaya // (14.2) Par.?

sākaṃ vātasya dhrājyā sākaṃ sūryasya raśmibhiḥ / (15.1) Par.?

sākaṃ sūryeṇodyatā sapatnīṃ nāśayāmasi // (15.2) Par.?