Texts
Select a text:
Bibliography
Bibliography
Select a chapter:
1 revision
Show parallels Show headlines
Use dependency labeler
1 revision
Associated topic(s): Soma sacrifice, pravargya
Show parallels Show headlines
Use dependency labeler
Chapter id: 10891
- Click on a sentence to show its analysis
- Keep the mouse pointer over a lemma to show its meanings.
gaṇānāṃ tvā gaṇapatiṃ havāmaha iti brāhmaṇaspatyam / (1.1) Par.?
brahma vai bṛhaspatiḥ / (1.2) Par.?
brahmaṇaivainam tad bhiṣajyati // (1.3) Par.?
prathaś ca yasya saprathaś ca nāmeti gharmatanvaḥ / (2.1) Par.?
satanum evainaṃ tat sarūpaṃ karoti // (2.2) Par.?
rathaṃtaram ājabhārā vasiṣṭhaḥ bharadvājo bṛhad ā cakre agner iti / (3.1) Par.?
bṛhadrathantaravantam evainaṃ tat karoti // (3.2) Par.?
apaśyaṃ tvā manasā cekitānam iti prajāvān prājāpatyaḥ / (4.1) Par.?
prajām evāsmiṃs tad dadhāti // (4.2) Par.?
kā rādhaddhotrāśvinā vām iti nava vichandasaḥ / (5.1) Par.?
tad etad yajñasyāntastyam / (5.2) Par.?
vikṣudram iva vā antastyam aṇīya iva ca sthavīya iva ca / (5.3) Par.?
tasmād etā vichandaso bhavanti // (5.4) Par.?
etābhir hāśvinoḥ kakṣīvān priyaṃ dhāmopāgacchat / (6.1) Par.?
sa paramaṃ lokam ajayat // (6.2) Par.?
upāśvinoḥ priyaṃ dhāma gacchati jayati paramaṃ lokaṃ ya evaṃ veda // (7) Par.?
ābhāti agnir uṣasām anīkam iti sūktam // (8) Par.?
pīpivāṃsam aśvinā gharmam acchety abhirūpam / (9.1) Par.?
yad yajñe 'bhirūpaṃ tat samṛddham // (9.2) Par.?
tad u traiṣṭubham / (10.1) Par.?
vīryaṃ vai triṣṭup / (10.2) Par.?
vīryam evāsmiṃs tad dadhāti // (10.3) Par.?
grāvāṇeva tad id arthaṃ jarethe iti sūktam / (11.1) Par.?
akṣī iva karṇāv iva nāsevety aṅgasamākhyāyam evāsmiṃs tad indriyāṇi dadhāti // (11.2) Par.?
tad u traiṣṭubham / (12.1) Par.?
vīryaṃ vai triṣṭup / (12.2) Par.?
vīryam evāsmiṃs tad dadhāti // (12.3) Par.?
īﾱe dyāvāpṛthivī pūrvacittaya iti sūktam // (13) Par.?
agniṃ gharmaṃ surucaṃ yāmann iṣṭaya ity abhirūpam / (14.1) Par.?
yad yajñe 'bhirūpaṃ tat samṛddham // (14.2) Par.?
tad u jāgatam / (15.1) Par.?
jāgatā vai paśavaḥ / (15.2) Par.?
paśūn evāsmiṃs tad dadhāti // (15.3) Par.?
yābhir amum āvataṃ yābhir amum āvatam iti / (16.1) Par.?
etāvato hātrāśvinau kāmān dadṛśatuḥ / (16.2) Par.?
tān evāsmiṃs tad dadhāti / (16.3) Par.?
tair evainaṃ tat samardhayati // (16.4) Par.?
arūrucad uṣasaḥ pṛśnir agriya iti rucitavatī / (17.1) Par.?
rucam evāsmiṃs tad dadhāti // (17.2) Par.?
dyubhir aktubhiḥ pari pātam asmān ity uttamayā paridadhāti // (18) Par.?
ariṣṭebhir aśvinā saubhagebhiḥ tan no mitro varuṇo māmahantām aditiḥ sindhuḥ pṛthivī uta dyaur ity etair evainaṃ tat kāmaiḥ samardhayati // (19) Par.?
iti nu pūrvam paṭalam // (20) Par.?
Duration=0.29304695129395 secs.