Texts

sa yady u haitaiḥ saṃsrāvair uparyardhā sthālī bhavaty etenaināṃ pātreṇāpidadhāti // (1) Par.?

yady u vai noparyardhā bhavati droṇakalaśād enām uparyardhāṃ kṛtvaitenaiva pātreṇāpidadhāti viṣṇav urukramaiṣa te somas taṃ rakṣasva taṃ te duścakṣā māvakhyad iti // (2) Par.?

athādhvaryuḥ pradakṣiṇam āvṛtya pratyaṅṅ ādrutya hotre pātraṃ pradāya prāṅ āyann āhonnīyamānebhyo 'nubrūhi hotuś camasam anūnnayadhvam ubhayataḥśukrān kurudhvam acchāvākasya camasādhvaryo mā tu tvam unneṣṭhāḥ pratiprasthātaś caturbhir mā śakalaiḥ prokṣitāprokṣitaiḥ pratyupalambasveti // (3) Par.?

yathāsaṃpraiṣaṃ te kurvanti // (4) Par.?

droṇakalaśād eva prathamam unnayanti // (5) Par.?

atha pūtabhṛtaḥ // (6) Par.?

atha droṇakalaśāt // (7) Par.?

ta ubhayataḥśukrāḥ // (8) Par.?

hotṛcamasam eva prathamam unnayanti // (9) Par.?

yathopapādam itarān // (10) Par.?

samunnīyottaravedyāṃ saṃsādayanti // (11) Par.?

atha pratiprasthātā caturṇāṃ śakalānāṃ dvau prokṣati // (12) Par.?

dvāv aprokṣitau bhavataḥ // (13) Par.?

prokṣitābhyām apidhāyāprokṣitābhyām upayacchataḥ // (14) Par.?

śukram evādhvaryur ādatte // (15) Par.?

manthinaṃ pratiprasthātā // (16) Par.?

grahāv ādāyopaniṣkrāmataḥ // (17) Par.?

dakṣiṇam evādhvaryur dvārbāhuṃ niśrayamāṇa upaniṣkrāmati // (18) Par.?

uttaraṃ pratiprasthātā // (19) Par.?

tau jaghanenottaravediṃ grahau saṃdhatta āyuḥ saṃdhattaṃ tan me jinvataṃ prāṇaṃ saṃdhattaṃ taṃ me jinvatam apānaṃ saṃdhattaṃ taṃ me jinvataṃ vyānaṃ saṃdhattaṃ taṃ me jinvataṃ cakṣuḥ saṃdhattaṃ tan me jinvataṃ śrotraṃ saṃdhattaṃ tan me jinvatam iti // (20) Par.?

ṣaḍbhiḥ saṃdhābhiḥ saṃdhāya vyutkrāmataḥ // (21) Par.?

stuto 'si janadhā devās tvā śukrapāḥ praṇayantu suvīrāḥ prajāḥ prajanayan parīhi śukraḥ śukraśociṣety adhvaryur dakṣiṇenottaravediṃ parikrāmati // (22) Par.?

stuto 'si janadhā devās tvā manthipāḥ praṇayantu suprajāḥ prajāḥ prajanayan parīhi manthī manthiśociṣeti pratiprasthātottareṇottaravediṃ parikrāmati // (23) Par.?

tau purastātpratyañcāv uttaravedim adhidravata indreṇa sayujo vayaṃ sāsahyāma pṛtanyataḥ / (24.1) Par.?

ghnanto vṛtrāṇy aprati // (24.2) Par.?

yat te agne tejas tenāhaṃ tejasvī bhūyāsaṃ yat te agne varcas tenāhaṃ varcasvī bhūyāsaṃ yat te agne haras tenāhaṃ harasvī bhūyāsam iti // (25) Par.?

athāntareṇa yūpaṃ cāhavanīyaṃ ca grahau saṃdhatta āyu stha āyur me dhattam āyur yajñāya dhattam āyur yajñapataye dhattaṃ prāṇa sthaḥ prāṇaṃ me dhattaṃ prāṇaṃ yajñāya dhattaṃ prāṇaṃ yajñapataye dhattam apāna stho 'pānaṃ me dhattam apānaṃ yajñāya dhattam apānaṃ yajñapataye dhattaṃ vyāna stho vyānaṃ me dhattaṃ vyānaṃ yajñāya dhattaṃ vyānaṃ yajñapataye dhattaṃ cakṣu sthaś cakṣur me dhattaṃ cakṣur yajñāya dhattaṃ cakṣur yajñapataye dhattaṃ śrotraṃ sthaḥ śrotraṃ me dhattaṃ śrotraṃ yajñāya dhattaṃ śrotraṃ yajñapataye dhattam iti // (26) Par.?

ṣaḍbhiḥ saṃdhābhiḥ saṃdhāya vyutkrāmataḥ // (27) Par.?