Texts

samās tvāgnā ṛtavo vardhayantu saṃvatsarā ṛṣayo yāni satyā / (1.1) Par.?

saṃ divyena dīdihi rocanena viśvā ābhāhi pradiśaś catasraḥ // (1.2) Par.?

saṃ cedhyasvāgne pra ca bodhayainam uc ca tiṣṭha mahate saubhagāya / (2.1) Par.?

mā ca riṣad upasattā te agne brahmāṇas te yaśasaḥ santu mānye // (2.2) Par.?

tvām agne vṛṇate brāhmaṇā ime śivo agne saṃvaraṇe bhavā naḥ / (3.1) Par.?

sapatnahāgne abhimātijid bhava sve gaye jāgṛhy aprayucchan // (3.2) Par.?

ihaivāgne adhidhārayā rayiṃ mā tvā nikran pūrvacittau nikāriṇaḥ / (4.1) Par.?

kṣatram agne suyamam astu tubhyam upasattā vardhatāṃ te aniṣṭṛtaḥ // (4.2) Par.?

kṣatreṇāgne svena saṃrabhasva mitreṇāgne mitradheye yatasva / (5.1) Par.?

sajātānāṃ madhyameṣṭheyāya rājñām agne vihavyo dīdihīha // (5.2) Par.?

ati niho ati sṛdho aty acittim ati nirṛtim adya / (6.1) Par.?

viśvā hy agne duritā tara tvam athāsmabhyaṃ sahavīraṃ rayiṃ dāḥ // (6.2) Par.?

anādhṛṣyo jātavedā aniṣṭṛto virāḍ agne kṣatrabhṛd dīdihīha / (7.1) Par.?

vy amīvāḥ pramuñcan mānuṣāṇāṃ śivebhir adya paripāhi no vṛdhe // (7.2) Par.?

bṛhaspate savitar bodhayainaṃ saṃśitaṃ cit saṃtaraṃ saṃśiśādhi / (8.1) Par.?

vardhayainaṃ mahate saubhagāya viśve cainam anumadantu devāḥ // (8.2) Par.?

amutrabhūyād adha yad yamasya bṛhaspate abhiśaster amuñcaḥ / (9.1) Par.?

pratyūhatām aśvinā mṛtyum asmād devānām agne bhiṣajā śacībhiḥ // (9.2) Par.?

ud vayaṃ tamasas pari jyotiḥ paśyantā uttaram / (10.1) Par.?

devaṃ devatrā sūryam aganma jyotir uttamam // (10.2) Par.?