Texts

tau ha bibhikṣe / (1.1) Par.?

taṃ ha nādadrāte ko vā ko veti manyamānau // (1.2) Par.?

tau hopajagau mahātmanaś caturo deva ekaḥ kaḥ sa jagāra bhuvanasya gopāḥ / (2.1) Par.?

taṃ kāpeya na vijānanty eke 'bhipratārin bahudhā niviṣṭam iti // (2.2) Par.?

sa hovācābhipratārīmaṃ vāva prapadya pratibrūhīti / (3.1) Par.?

tvayā vā ayam pratyucya iti // (3.2) Par.?

taṃ ha pratyuvācātmā devānām uta martyānāṃ hiraṇyadanto rapaso na sūnuḥ / (4.1) Par.?

mahāntam asya mahimānam āhur anadyamāno yad adantam attīti // (4.2) Par.?

mahātmanaś caturo deva eka iti / (5.1) Par.?

vāg vā agniḥ / (5.2) Par.?

sa mahātmā devaḥ / (5.3) Par.?

sa yatra svapiti tad vācam prāṇo girati // (5.4) Par.?

manaś candramāḥ sa mahātmā devaḥ / (6.1) Par.?

sa yatra svapiti tan manaḥ prāṇo girati // (6.2) Par.?

cakṣur ādityaḥ sa mahātmā devaḥ / (7.1) Par.?

sa yatra svapiti tac cakṣuḥ prāṇo girati // (7.2) Par.?

śrotraṃ diśas tā mahātmāno devāḥ / (8.1) Par.?

sa yatra svapiti tacchrotram prāṇo girati // (8.2) Par.?

tad yan mahātmanaś caturo deva eka ity etaddha tat // (9.1) Par.?

kaḥ sa jagāreti / (10.1) Par.?

prajāpatir vai kaḥ / (10.2) Par.?

sa haitaj jagāra // (10.3) Par.?

bhuvanasya gopā iti / (11.1) Par.?

sa u vāva bhuvanasya gopāḥ // (11.2) Par.?

taṃ kāpeya na vijānanty eka iti / (12.1) Par.?

na hy etam eke vijānanti // (12.2) Par.?

abhipratārin bahudhā niviṣṭam iti / (13.1) Par.?

bahudhā hy evaiṣa niviṣṭo yat prāṇaḥ // (13.2) Par.?

ātmā devānām uta martyānām iti / (14.1) Par.?

ātmā hy eṣa devānām uta martyānām // (14.2) Par.?

hiraṇyadanto rapaso na sūnur iti / (15.1) Par.?

na hy eṣa sūnuḥ / (15.2) Par.?

sūnurūpo hy eṣa san na sūnuḥ // (15.3) Par.?

mahāntam asya mahimānam āhur iti / (16.1) Par.?

mahāntaṃ hy etasya mahimānam āhuḥ // (16.2) Par.?

anadyamāno yad adantam attīti / (17.1) Par.?

anadyamāno hy eṣo 'dantam atti // (17.2) Par.?