Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16562
  • Click on a sentence to show its analysis
  • Keep the mouse pointer over a lemma to show its meanings.
prācīnavaṃśaṃ karoti purastād unnataṃ paścān ninataṃ sarvataḥ pariśritam // (1.1) Par.?
avāntaradikṣu sraktayaḥ // (2.1) Par.?
sraktiṣv ārokān karoti // (3.1) Par.?
pratidiśam dvārāṇi // (4.1) Par.?
purastād dvāraṃ svargakāmaḥ / (5.1) Par.?
dakṣiṇato yaḥ kāmayeta pitṛloka ṛdhnuyām iti / (5.2) Par.?
paścān manuṣyalokakāmaḥ / (5.3) Par.?
uttarato yaḥ kāmayeta devaloka ṛdhnuyām iti / (5.4) Par.?
uttarataḥ purastād yaḥ kāmayetobhayor lokayor ṛdhnuyām iti / (5.5) Par.?
sarvato yaḥ kāmayeta sarvāsu dikṣv ṛdhnuyām iti // (5.6) Par.?
uttareṇa bahiḥ prāgvaṃśaṃ pariśrite yajamānaḥ keśaśmaśru vāpayate // (6.1) Par.?
upapakṣāv agre 'tha śmaśrūṇy atha keśān / (7.1) Par.?
api vā śmaśrūṇy upapakṣāv atha keśān // (7.2) Par.?
āpa undantv iti dakṣiṇaṃ godānam unatti / (8.1) Par.?
oṣadhe trāyasvainam iti prāgagraṃ darbham antardhāya svadhite mainaṃ hiṃsīr iti svadhitinābhinidhāya devaśrūr iti pravapati // (8.2) Par.?
evam uttaraṃ godānam // (9.1) Par.?
oṣadhe trāyasva mā svadhite mā mā hiṃsīḥ svasty uttarāṇy aśīyeti yajamāno japati // (10.1) Par.?
abhyantaraṃ nakhāni kārayate // (11.1) Par.?
savyasyāgre kaniṣṭhikātaḥ // (12.1) Par.?
hastyāny agre 'tha padyāni // (13.1) Par.?
audumbareṇa dato dhāvate lohitam anabhigamayan // (14.1) Par.?
sthāvarāsv apsu snāti śaṅkhinīṣv avakinīṣu lomaśe tīrthe // (15.1) Par.?
kuṇḍe hiraṇyam avadhāya tasmin snātīti vājasaneyakam // (16.1) Par.?
Duration=0.13418078422546 secs.