Texts

Help

Select a text:
Bibliography

Select a chapter:
(no revisions)

Associated topic(s): rājasūya

Show parallels Show headlines
Use dependency labeler

Chapter id: 15687

Click on a sentence to show its analysis
Keep the mouse pointer over a lemma to show its meanings.

rājā svargakāmo rājasūyena yajeta // (1.1) Par.?

śatasahasraṃ dakṣiṇā // (2.1) Par.?

agniṣṭomaḥ pañcāpavargaḥ prathamam ahaḥ // (3.1) Par.?

pañca sahasrāṇi pavitre dadāti / (4.1) Par.?

triṃśatam abhiṣecanīye / (4.2) Par.?

triṃśataṃ daśapeye / (4.3) Par.?

daśa keśavapanīye / (4.4) Par.?

viṃśatiṃ vyuṣṭidvirātre / (4.5) Par.?

pañca kṣatrasya dhṛtau // (4.6) Par.?

api vā catvāry abhiṣecanīye // (5.1) Par.?

pratisāhasrāṇītarāṇy ahāni // (6.1) Par.?

ṣaṣṭitrīṇi śatāni sahasrāṇāṃ dadātīti bahvṛcabrāhmaṇaṃ bhavati // (7.1) Par.?

tathā dakṣiṇā atinayed yathāsyāhāni svakālāni syuḥ // (8.1) Par.?

śeṣam anudiśati // (9.1) Par.?

śvo bhūta ānumatādibhir aṣṭābhir anvahaṃ yajate // (10.1) Par.?

piṃṣann ānumataṃ paścād uttarataś ca vyavaśātayati // (11.1) Par.?

ye pratyañcaḥ śamyāyā avaśīyante tan nairṛtam ekakapālam // (12.1) Par.?

ya udañcas tān udaṅ paretya valmīkavapām uddhatyedam aham amuṣyāmuṣyāyaṇasya kṣetriyam avayaja iti śuktyā valmīkavapāyāṃ hutvedam aham amuṣyāmuṣyāyaṇasya kṣetriyam apidadhāmīti tayaiva śuktyā valmīkavapām apidadhyāt // (13.1) Par.?

valmīkavapayā juhoti valmīkavapayāpidadhātīty eke // (14.1) Par.?

ānumatam āsādya nairṛtena pracarati // (15.1) Par.?

vīhi svāheti gārhapatye hutvā dakṣiṇāgner ekolmukaṃ dhūpāyaddharati // (16.1) Par.?

dakṣiṇam aparam avāntaradeśaṃ gatvā svakṛta iriṇe pradare vopasamādhāyaiṣa te nirṛte bhāga ity aṅguṣṭhābhyāṃ visraṃsikākāṇḍābhyāṃ vā nairṛtaṃ sarvahutaṃ juhoti // (17.1) Par.?

kṛṣṇaṃ vāsaḥ kṛṣṇatūṣaṃ dakṣiṇā // (18.1) Par.?

kṛṣṇaṃ vāso bhinnāntam ity eke // (19.1) Par.?

apratīkṣam āyanti nirṛtyā antarhityā iti vijñāyate // (20.1) Par.?

Duration=0.078092813491821 secs.