Texts

dhanaṃ me śaṃsya pāhi // (1) Par.?

tan me gopāyeti // (2) Par.?

pravatsyann āhavanīyam upatiṣṭheta // (3) Par.?

dhanasya vā eṣa goptā // (4) Par.?

tad evāsmai paridadāti // (5) Par.?

mama nāma prathamaṃ jātaveda iti // (6) Par.?

agninaivaitat tanvaṃ viparidhatte // (7) Par.?

yathānte sato 'gnihotraṃ hutaṃ yatheṣṭam evam asyāpi pravasato bhavati // (8) Par.?

prajāṃ me narya pāhi // (9) Par.?

tāṃ me gopāyeti // (10) Par.?

prajāyā vā eṣa goptā // (11) Par.?

tām evāsmai paridadāti // (12) Par.?

imān me mitrāvaruṇau gṛhān gopāyataṃ yuvam iti // (13) Par.?

mitreṇa ca vā imāḥ prajā guptāḥ krūreṇa ca // (14) Par.?

mitraṃ mitraḥ krūraṃ varuṇa iyaṃ pūṣā // (15) Par.?

etābhya eva devatābhyo gṛhān paridadāti // (16) Par.?

annaṃ me purīṣya pāhi // (17) Par.?

tan me gopāyeti // (18) Par.?

annasya vā eṣa goptā // (19) Par.?

tad evāsmai paridadāti // (20) Par.?

dhanaṃ me śaṃsyājugupaḥ // (21) Par.?

tan me punar dehīti // (22) Par.?

dhanam eva guptaṃ punar ātman dhatte // (23) Par.?

agne sahasrākṣa śatamūrdhañ chatateja iti // (24) Par.?

etair vā etau vyṛdhyete vipravasantau prāṇair apānais tejobhir vīryaiḥ // (25) Par.?

yad etair upatiṣṭhate // (26) Par.?

tair eva samṛdhyete // (27) Par.?

mama ca nāma tava ca jātaveda iti // (28) Par.?

agninaivaitat tanvaṃ yathāyathaṃ kurute // (29) Par.?

prajāṃ me naryājugupaḥ // (30) Par.?

tāṃ me punar dehīti // (31) Par.?

prajām eva guptāṃ punar ātman dhatte // (32) Par.?

agne gṛhapata iti // (33) Par.?

nārtim ārchato 'gniś ca yajamānaś ca // (34) Par.?

na bhreṣaṃ nītaḥ // (35) Par.?

annaṃ me purīṣyājugupaḥ // (36) Par.?

tan me punar dehīti // (37) Par.?

annam eva guptaṃ punar ātman dhatte // (38) Par.?