Texts

sapatnahanam ity ṛṣabhaṃ saṃpātavantam atisṛjati // (1) Par.?

āśvatthīr avapannāḥ // (2) Par.?

svayam indrasyauja iti prakṣālayati // (3) Par.?

jiṣṇave yogāyety apo yunakti // (4) Par.?

vātasya raṃhitasyāmṛtasya yonir iti pratigṛhṇāti // (5) Par.?

uttamāḥ pratāpyādharāḥ pradāyainam enān adharācaḥ parāco 'vācas tapasas tam unnayata devāḥ pitṛbhiḥ saṃvidānaḥ prajāpatiḥ prathamo devatānām ity atisṛjati // (6) Par.?

idam ahaṃ yo mā prācyā diśo 'ghāyur abhidāsād apavādīd iṣugūhas tasyemau prāṇāpānāvapakrāmāmi brahmaṇā // (7) Par.?

dakṣiṇāyāḥ pratīcyā udīcyā dhruvāyā vyadhvāyā ūrdhvāyāḥ // (8) Par.?

idam aham yo mā diśām antardeśebhya ity apakrāmāmīti // (9) Par.?

evam abhiṣṭhānāpohananiveṣṭanāni // (10) Par.?

sarvāṇi khalu śaśvad bhūtāni // (11) Par.?

brāhmaṇād vajram udyacchamānācchaṅkante māṃ haniṣyasi māṃ haniṣyasīti tebhyo 'bhayaṃ vadeccham agnaye śaṃ pṛthivyai śam antarikṣāya śaṃ vāyave śaṃ dive śaṃ sūryāya śaṃ candrāya śaṃ nakṣatrebhyaḥ śaṃ gandharvāpsarobhyaḥ śaṃ sarpetarajanebhyaḥ śivam mahyam iti // (12) Par.?

yo va āpo 'pāṃ yaṃ vayam apām asmai vajram ity anvṛcam udavajrān // (13) Par.?

viṣṇoḥ kramo 'sīti viṣṇukramān // (14) Par.?

mamāgne varca iti bṛhaspatiśirasaṃ pṛṣātakenopasicyābhimantryopanidadhāti // (15) Par.?

pratijānan nānuvyāharet // (16) Par.?

uttamenopadraṣṭāram // (17) Par.?

udehi vājinnity ardharcena nāvaṃ majjatīm // (18) Par.?

samiddho 'gnir ya ime dyāvāpṛthivī ajaiṣmety adhipāśān ādadhāti // (19) Par.?

pade pade pāśān vṛścati // (20) Par.?

adhipāśān bādhakāñśaṅkūṃstān saṃkṣudya saṃnahya bhraṣṭre 'dhyasyati // (21) Par.?

aśiśiṣoḥ kṣīraudanādīni trīṇi // (22) Par.?

gartedhmāvantareṇāvalekhanīṃ sthāṇau nibadhya dvādaśarātraṃ saṃpātān abhyatininayati // (23) Par.?

ṣaṣṭhyodavajrān praharati // (24) Par.?

saptamyācāmati // (25) Par.?

yaś ca gām ity anvāha // (26) Par.?

nir durarmaṇya iti saṃdhāvyābhimṛśati // (27) Par.?