Texts

Help

Select a text:
Bibliography

Select a chapter:
(no revisions)

Associated topic(s): animal sacrifice, paśubandha, vapā, omentum, Netzhaut, vapāhoma

Show parallels Show headlines
Use dependency labeler

Chapter id: 14158

Click on a sentence to show its analysis
Keep the mouse pointer over a lemma to show its meanings.

śāmitre vapāṃ pratitapati pratyuṣṭaṃ rakṣaḥ pratyuṣṭā arātaya iti // (1) Par.?

punar ulmukam ādāyāgnīdhraḥ pūrvaḥ pratipadyate // (2) Par.?

evam adhvaryur āhavanīyam abhipravrajati // (3) Par.?

evam antime 'ṅgāre vapāṃ nitaṃsayati // (4) Par.?

āhavanīya āgnīdhra ulmukam apisṛjati // (5) Par.?

antareṇa cātvālotkarāv antareṇa yūpaṃ cāhavanīyaṃ ca vapām atyāhṛtya dakṣiṇata udaṅṅ āsīnaḥ pratiprasthātāhavanīye vapāṃ śrapayati // (6) Par.?

adhastād vapāyā barhiṣo 'gram apāsyati vāyo vīhi stokānām iti // (7) Par.?

sruveṇājyam ādāyābhijuhoti tvām u te dadhire havyavāham iti // (8) Par.?

abhijuhvat saṃpreṣyati stokebhyo 'nubrūhīti // (9) Par.?

yadā śṛtā śyenī bhavaty athaināṃ sāṃnāyyavad abhighārya tathodvāsya barhiṣi plakṣaśākhāyām iti pratiṣṭhāpayati supippalā oṣadhīḥ kṛdhīti // (10) Par.?

prayutā dveṣāṃsīti vapāśrapaṇībhyāṃ pramucya ghṛtavatīm ity abhijñāyottamāya prayājāyātyākramyāśrāvyāha svāhākṛtībhyaḥ preṣyeti // (11) Par.?

vaṣaṭkṛte juhoti // (12) Par.?

pratyākramya juhvā dhruvām abhighārayati yadyājyabhāgau kariṣyan bhavaty atha pṛṣadājyam atha vapām / (13.1) Par.?

nopabhṛtam // (13.2) Par.?

tata ājyabhāgābhyāṃ pracarati yady ājyabhāgau juhoti // (14) Par.?

tataḥ pūrvaṃ parivapyaṃ juhoti svāhā devebhya iti // (15) Par.?

tataḥ saṃpreṣyati // (16) Par.?

Duration=0.078325033187866 secs.