Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17066
  • Click on a sentence to show its analysis
  • Keep the mouse pointer over a lemma to show its meanings.
athaināṃ darśapaurṇamāsikena saṃskāreṇa saṃskaroti yad anyat saṃnamanāt // (1) Par.?
yat prāg uttarasmāt parigrahāt tat kṛtvāpareṇa yūpāvaṭadeśaṃ śamyayottaravediṃ parimimīte śamyāmātrīṃ yugamātrīṃ vā / (2.1) Par.?
sarvato vā daśapadām // (2.2) Par.?
etām uttarasmād vedyaṃsād udañcaṃ prakramaṃ prakramya śaṅkuṃ nihanti // (3) Par.?
sa cātvālo bhavati // (4) Par.?
apareṇa cātvālaṃ dvādaśasu prakrameṣu tāvaty udag utkaraḥ // (5) Par.?
apareṇotkaraṃ ca ṣaṭsv āgnīdhraḥ // (6) Par.?
antareṇa cātvālotkarau saṃcaro bhavati / (7.1) Par.?
antareṇa cātvālaṃ cāgnīdhraṃ cety ekeṣām // (7.2) Par.?
yat kiṃ ca vedim anvavahariṣyan syād etenaivānvavaharet // (8) Par.?
uttaravedyā āvṛtottaravedim upopya prokṣāntāṃ kṛtvaudumbaraśākhābhiś channāṃ parivāsayati // (9) Par.?
tristanaṃ madhyaṃdine vratayati // (10) Par.?
svaparāhṇa āparāhṇikībhyāṃ pracaranti // (11) Par.?
rajāśayām eva juhoti // (12) Par.?
dvistanaṃ madhyarātre vratayati // (13) Par.?
supūrvāhṇe paurvāhṇikībhyāṃ pravargyopasadbhyāṃ pracaranti // (14) Par.?
harāśayām atropasadaṃ juhoti // (15) Par.?
tadānīm evāparāhṇikībhyāṃ pravargyopasadbhyāṃ pracaranti // (16) Par.?
harāśayām eva juhoti // (17) Par.?
ekastanaṃ madhyaṃdine vratayati // (18) Par.?
saṃtiṣṭhanta upasadaḥ // (19) Par.?
Duration=0.057646036148071 secs.