Texts

evam evottarābhyāṃ yathādevataṃ pracarataḥ // (1) Par.?

etāvan nānā / (2.1) Par.?

uttareṇa mantreṇa pratinigrāhyaṃ gṛhṇāti / (2.2) Par.?

nātrāghāro bhavati / (2.3) Par.?

sakṛt sakṛj juhutaḥ / (2.4) Par.?

uttareṇottareṇāvabādhate / (2.5) Par.?

uttareṇottareṇādityasthālyāṃ saṃpātam avanayati // (2.6) Par.?

athainām etenaiva pātreṇāpidadhāti viṣṇav urukramaiṣa te somas taṃ rakṣasva taṃ te duścakṣā māva khyad iti // (3) Par.?

uttareṇottareṇādhvaryur bhakṣaṃ prayacchati / (4.1) Par.?

tena tenaiva hotā pratigṛhṇāti // (4.2) Par.?

ādhavanīyaṃ pūtabhṛty avanayati / (5.1) Par.?

nyupyādhavanīyam unnetā // (5.2) Par.?

saṃpreṣyati unnīyamānebhyo 'nubrūhīti // (6) Par.?

hotṛcamasam ukhyān nava camasān unnayaty anyatrāchāvākacamasāt // (7) Par.?

droṇakalaśād upastīrya pūtabhṛta unnīya droṇakalaśād evābhighārayati // (8) Par.?

tatraiṣo 'tyantapradeśaḥ / (9.1) Par.?

yatra kva ca camasān unnayed evamevonnetonnayet / (9.2) Par.?

sarvān sarvān evāta ūrdhvaṃ camasān unnayati // (9.3) Par.?

savanamukhīyeṣv eva camaseṣūnnīyamānasūktaṃ bhavati // (10) Par.?

parihita unnīyamānasūkte stuto'si janadhāḥ / (11.1) Par.?

devās tvā śukrapāḥ praṇayantv iti śukram adhvaryur ādatte / (11.2) Par.?

stuto'si janadhāḥ / (11.3) Par.?

devās tvā manthipāḥ praṇayantv iti manthinaṃ pratiprasthātā // (11.4) Par.?

sāvitreṇobhāv upariṣṭāt prokṣitābhyāṃ śakalābhyām apidhattaḥ // (12) Par.?

adhastād aprokṣitābhyāṃ pāṃsūn apadhvaṃsayataḥ // (13) Par.?

apanuttaḥ śaṇḍaḥ sahāmunety adhvaryuḥ / (14.1) Par.?

yaṃ dveṣṭi tasya nāma gṛhṇāti // (14.2) Par.?

apanutto markaḥ sahāmuneti pratiprasthātā / (15.1) Par.?

yaṃ dveṣṭi tasya nāma gṛhṇāti // (15.2) Par.?

hastābhyām apidhāya prāñcāv upaniṣkrāmata urv antarikṣaṃ vīhīti // (16) Par.?