Texts

hotā prathamo bhakṣayaty athādhvaryur atha pratiprasthātā // (1) Par.?

yatra kva caikapātre bhakṣayeyur dvau vā bahavo vā vaṣaṭkartaiva prathamo bhakṣayet // (2) Par.?

ye ke caikakāle bhakṣayeyuḥ sarva eva mithaḥ karmanāmabhiḥ samupahvayeran // (3) Par.?

asāv asāv upahvayasvety āmantraṇaḥ / (4.1) Par.?

upahūta iti prativacanaḥ // (4.2) Par.?

bhakṣayitvātmānaṃ pratyabhimṛśati hinva me gātrā hariva iti // (5) Par.?

yatra kva ca bhakṣayed evam evātmānaṃ pratyabhimṛśet // (6) Par.?

bhakṣayitvā nānūtsṛjanty āvanayanāt // (7) Par.?

hotṛcamase dvidevatyasaṃpātān avanīya puroḍāśaśakalam aindravāyavasya pātre 'vadadhāti / (8.1) Par.?

payasyāṃ maitrāvaruṇasya / (8.2) Par.?

dhānā āśvinasya // (8.3) Par.?

athaitāni dakṣiṇasya havirdhānasyottarasyāṃ vartanyāṃ paścādakṣaṃ sādayati // (9) Par.?

evaṃ sannāny eva bhavanty ā tṛtīyasavanāt // (10) Par.?

niravadāya hotra iḍām ādadhāti // (11) Par.?

upahvayate hoteḍām // (12) Par.?

upodyacchanty asmai camasān // (13) Par.?

hotṛcamasaṃ saṃspṛṣṭaṃ dhārayati // (14) Par.?

upahūtām iḍāṃ prāśnanti ye prakṛtau // (15) Par.?

puroḍāśaśakalam acchāvākāya nidadhāti // (16) Par.?

yathācamasaṃ camasino bhakṣayanti // (17) Par.?

vasumadgaṇasya soma deva ta iti madhyataḥkāriṇaḥ // (18) Par.?

anaindrair evetareṣāṃ bhakṣamantro vyākhyātaḥ // (19) Par.?

sarveṣu camaseṣu hotā bhakṣayati // (20) Par.?

sarveṣu punar abhyunnīteṣv adhvaryuḥ mandrābhibhūtir iti // (21) Par.?

yataro 'dhvaryur juhuyāt sa vaṣaṭkartāraṃ pratibhakṣayet // (22) Par.?

bhakṣayitvāpyāyayati ā pyāyasva sametu ta iti // (23) Par.?

yatra kva cāpyāyayed etayaivāpyāyayet // (24) Par.?

sīdanti nārāśaṃsā āpyāyitā dakṣiṇasya havirdhānasyādhastād apālambe // (25) Par.?