Texts

Help

Select a text:
Bibliography
Select a chapter:
 1 revision
Associated topic(s): agnicayana

Show parallels  Show headlines
Use dependency labeler
Chapter id: 16065
  • Click on a sentence to show its analysis
  • Keep the mouse pointer over a lemma to show its meanings.
āgnāvaiṣṇavam ekādaśakapālaṃ nirvapati // (1) Par.?
agnir vai sarvā devatāḥ // (2) Par.?
viṣṇur yajñaḥ // (3) Par.?
devatāś caiva yajñaṃ cālabhate // (4) Par.?
mukhaṃ vai devānām agniḥ paro 'nto viṣṇuḥ // (5) Par.?
yajñasyaivāntau samagrahīt // (6) Par.?
athādityebhyo ghṛte caruḥ // (7) Par.?
ādityā vā ita uttamā amuṃ lokam āyan // (8) Par.?
ādityā imāḥ prajā ādityānāṃ nediṣṭhinīḥ // (9) Par.?
svām eva devatām upaiti // (10) Par.?
ghṛte bhavati // (11) Par.?
ghṛtabhāgā hy ādityāḥ // (12) Par.?
athāgnaye vaiśvānarāya dvādaśakapālaḥ // (13) Par.?
saṃvatsaro vā agnir vaiśvānaraḥ // (14) Par.?
dvādaśamāsas saṃvatsaraḥ saṃvatsarasyāptyai // (15) Par.?
yo 'yonim agniṃ cinute yajamānasya yonim anu praviśati // (16) Par.?
sa enaṃ nirdahati // (17) Par.?
saṃvatsaro vā agnir vaiśvānaraḥ // (18) Par.?
saṃvatsaro 'gner yoniḥ // (19) Par.?
yad agnaye vaiśvānarāya yonimantam evainaṃ cinute // (20) Par.?
eṣā vā agneḥ priyā tanūr yā vaiśvānarī // (21) Par.?
yad agnaye vaiśvānarāya priyāyā evāsya tanve haviṣkṛtvā priyāṃ tanvam ādatte // (22) Par.?
kāmo vā agnir vaiśvānaraḥ // (23) Par.?
yad agnaye vaiśvānarāya nirvapaty aśnute taṃ kāmaṃ yasmai kāmāya dīyate // (24) Par.?
yad dvādaśakapālo dvādaśamāsas saṃvatsaraḥ // (25) Par.?
yā vai prajā bhraṃśante saṃvatsarāt tā bhraṃśante // (26) Par.?
yāḥ pratitiṣṭhanti saṃvatsare tāḥ pratitiṣṭhanti // (27) Par.?
saṃvatsara eva pratiṣṭhāyāgniṃ bibharti // (28) Par.?
Duration=0.097019910812378 secs.