Texts

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16822

Click on a sentence to show its analysis
Keep the mouse pointer over a lemma to show its meanings.

āyuṣpā agne 'sīty adhvaryur yathārūpaṃ prāṇāyatanāni saṃmṛśya dhruvāsīti vedim abhimṛśyāgnīd ity āgnīdhram īkṣate // (1) Par.?

saṃvadasvety āgnīdhraḥ // (2) Par.?

agā3nn agnīd ity adhvaryur āha // (3) Par.?

agann ity āgnīdhraḥ // (4) Par.?

madhyamaṃ paridhim anvārabhya śrāvayety adhvaryuḥ // (5) Par.?

śrauṣaḍ ity āgnīdhraḥ // (6) Par.?

svagā daivyā hotṛbhyaḥ svastir mānuṣebhyaḥ śaṃyor brūhīti saṃpreṣyati // (7) Par.?

tacchaṃyor iti śamyuvāke hotrocyamāne yaṃ paridhim iti madhyamaṃ vimucyāgnau praharati // (8) Par.?

vi te muñcāmīti yajamāno vimuñcati // (9) Par.?

yajñasya pātha upasamitam iti dakṣiṇottarau paridhī yugapat pāṇibhyām adhvaryuḥ praharann uttarasyāgraṃ madhyamasyādho 'ṅgāreṣūpohati dakṣiṇasyāgram upari // (10) Par.?

viṣṇoḥ śaṃ yor ahaṃ devayajyayeti śamyuvāke yajamāno 'bhimantrayate // (11) Par.?

yajamānaṃ prathatety adhvaryuḥ prahṛtān paridhīn abhimantrya juhvā bila upabhṛto 'gram avadhāya saṃsrāvabhāgāḥ stheti srucor ājyaśeṣam agnau saṃsrāvayati // (12) Par.?

yajña śaṃ ca me yajña namas te yajñeṣṭo yajño bhṛgubhir iti ca yajamānaḥ saṃsrāvabhāgān devān anumantrayate // (13) Par.?

yat kāmayate tad abhivadati // (14) Par.?

haviḥśeṣān prāśnāti // (15) Par.?

Duration=0.0625319480896 secs.