Texts

saha patnyā yajamānaḥ sarvartvijas triḥ sāmno nidhanam upayanti // (1) Par.?

puruṣaḥ puruṣaḥ nidhanam upaitīti vijñāyate // (2) Par.?

divas tvā paraspāyā iti prathamaṃ prāpya madhyadeśe dvitīyaṃ nidhanam // (3) Par.?

prāñco 'tikrāmanti // (4) Par.?

brahmaṇas tvā paraspāyā iti dvitīyam abhikrāmanty uparavadeśaṃ prāpya tṛtīyaṃ nidhanam upayanti prāṇasya tvā paraspāyā iti tṛtīyam abhikrāmanti // (5) Par.?

udvāsanadeśam uttareṇottaravediṃ prāpya samrāḍāsandīṃ pratiṣṭhāpya prastotar vārṣāharaṃ sāma gāyeṣṭāhotrīyaṃ sāma gāyeti saṃpreṣyati // (6) Par.?

iṣṭāhotrīyasya pūrvavan nidhanam upayanti na vārṣāharasya // (7) Par.?

udakumbham ādāyānena saṃtatadhārayā valgur asīti sarvaṃ parigharmyam uttaravediṃ pariṣiñcan paryeti // (8) Par.?

nidhāya kumbhaṃ śaṃ ca vakṣīti trir apariṣiñcan pratiparyeti // (9) Par.?

catusraktir nābhir ṛtasyety uttaranābhim abhimṛśati // (10) Par.?

sado viśvāyur ity uttareṇa nābhiṃ kharāv upanivapati // (11) Par.?

apa dveṣo apa hvara iti mārjālīya ucchiṣṭakharaṃ pāṇī prakṣālyottaravedyāṃ kṛṣṇājinam āstīrya tasmin hiraṇyaṃ nidhāya rauhiṇapiṣṭān muñjapralavān sikatāś cānuprakīrya deva puraścara saghyāsaṃ tveti pracaraṇīyaṃ mahāvīram upāvaharati // (12) Par.?

enaṃ mahīnāṃ payo 'sīti dadhnā madhumiśreṇa pūrayati // (13) Par.?

evam itarau pūrvāparau dakṣiṇottarau vā // (14) Par.?

tūṣṇīm itarāṇi // (15) Par.?

ādityasyeva maṇḍalaṃ bhavati // (16) Par.?

api vā mahīnāṃ payo 'sīti pracaraṇīya ājyaṃ jyotirbhā asi vanaspatīnām oṣadhīnāṃ rasa iti madhu vājinaṃ tvā vājino 'vanayāma iti dadhy evam itarayoḥ // (17) Par.?

api vājyam eva prathame madhu dvitīye dadhi tṛtīye // (18) Par.?

gharmaitat te 'nnam etat purīṣam iti yāny āsecanavanti tāni dadhnā madhumiśreṇa pūrayati // (19) Par.?

ariktatāyā iti vijñāyate // (20) Par.?