Texts

atra ṛcam ṛcāmityapyaduṣṭaḥ pāṭhaḥ // (1) Par.?

atra ṛcā nāmāghorā // (2) Par.?

kathaṃ gamyate // (3) Par.?

ṛṅmadhyāt // (4) Par.?

sadyojātatatpuruṣeśānavad arcivarcagāḥ // (5) Par.?

iṣṭā ceyaṃ tatra tatra japtavyatvena guṇīkṛtatvāt // (6) Par.?

pūrvottarasūtreṣu japtavyatvena gāyatryā sahādhyānād āśubhāvasamādhyāsādanāc ca iṣṭā // (7) Par.?

adhyayanam iti japyaparyāyaḥ // (8) Par.?

īta ityājñāyāṃ niyoge ca // (9) Par.?

mānasam evādhīyītetyarthaḥ // (10) Par.?

āha kim ṛcaivaikādhyetavyā // (11) Par.?

ucyate na // (12) Par.?

yasmād āha gāyatrīm iti // (13) Par.?

gāyatrī nāma tatpuruṣā // (14) Par.?

niruktamasyāḥ pūrvoktam // (15) Par.?

mānasam evādhīyītetyarthaḥ // (16) Par.?

āha kīdṛśo 'dhīyīteti // (17) Par.?

taducyate ātmayantritaḥ // (18) Par.?

ātmayantraṇamiti pratyāhāraparyāyaḥ // (19) Par.?

ātmeti kṣetrajña ucyate // (20) Par.?

ātmatvamasya caitanyam // (21) Par.?

āptavyaṃ kāryaṃ karaṇaṃ viṣayāśca // (22) Par.?

ātmayantraṇamityatra sati trike yujyate // (23) Par.?

yantraṇaṃ nāma yathāyam ātmabhāvo brahmaṇy akṣarapadapaṅktyāṃ yukto vartate tadātmā yantrito bhavati // (24) Par.?

katham // (25) Par.?

nṛtyaprasaktacittadṛṣṭāntāt kasmāt // (26) Par.?

ātmātmabhāvayor avyucchedāt // (27) Par.?

guṇaguṇinorapi tathā yugapadbhāvaḥ // (28) Par.?

katham // (29) Par.?

yaṣṭuṃ pravṛtto yantrayituṃ ca pravṛtta eva bhavati // (30) Par.?

bhikṣuvat // (31) Par.?

tasmād yantraṇamevaiṣa pratyāhāra iti // (32) Par.?

āha atra gāyatrībahutvāt saṃdehaḥ // (33) Par.?

kathamavagamyate ṛcā aghoreṇa vā tatpuruṣeṇeti // (34) Par.?

ucyate gamyate // (35) Par.?

yasmādāha // (36) Par.?