UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 12256
- Click on a sentence to show its analysis
- Keep the mouse pointer over a lemma to show its meanings.
saivarg abhavad iyam eva śrīḥ / (1.1)
Par.?
ato devā abhavan // (1.2)
Par.?
athaiṣām imām asurāḥ śriyam avindanta / (2.1)
Par.?
tad evāsuram abhavat // (2.2)
Par.?
te devā abruvan yā vai naḥ śrīr abhūd avidanta tām asurāḥ / (3.1)
Par.?
kathaṃ nv eṣām imāṃ śriyam punar eva jayemeti // (3.2)
Par.?
te 'bruvann ṛcy eva sāma gāyāmeti / (4.1)
Par.?
te punaḥ pratyādrutyarci sāmāgāyan / (4.2)
Par.?
tenāsmāllokād asurān anudanta // (4.3)
Par.?
tad vai mādhyandine ca savane tṛtīyasavane ca narco 'parādho 'sti / (5.1)
Par.?
sa yat te ṛci gāyati tenāsmāl lokād dviṣantam bhrātṛvyaṃ nudate / (5.2)
Par.?
atha yad amṛte devatāsu prātassavanaṃ gāyati tena svargaṃ lokam eti // (5.3)
Par.?
prajāpatir vai sāmnemāṃ jitim ajayad yāsyeyaṃ jitis tām / (6.1)
Par.?
sa svargaṃ lokam ārohat // (6.2)
Par.?
te devāḥ prajāpatim upetyābruvann asmabhyam apīdaṃ sāma prayaccheti / (7.1)
Par.?
tad ebhyaḥ sāma prāyacchat // (7.3)
Par.?
tad enān idaṃ sāma svargaṃ lokaṃ nākāmayata voḍhum // (8.1)
Par.?
te devāḥ prajāpatim upetyābruvan yad vai naḥ sāma prādā idaṃ vai nas tat svargaṃ lokaṃ na kāmayate voḍhum iti // (9.1)
Par.?
tad vai pāpmanā saṃsṛjateti / (10.1)
Par.?
ko 'sya pāpmeti / (10.2)
Par.?
tad ṛcā samasṛjan // (10.4)
Par.?
tad idam prajāpater garhayamāṇam atiṣṭhad idaṃ vai mā tat pāpmanā samasrākṣur iti / (11.1)
Par.?
so 'bravīd yas tvaitena vyāvartayād vy eva sa pāpmanā vartātā iti // (11.2)
Par.?
sa ya etad ṛcā prātassavane vyāvartayati vy evaṃ sa pāpmanā vartate // (12.1)
Par.?
Duration=0.078691005706787 secs.