Texts

Select a text:
Bibliography

Select a chapter:
(no revisions)

Associated topic(s): agnihotra

Show parallels Show headlines
Use dependency labeler

Chapter id: 12730

upaprayanto adhvaram iti pravāpayaty evaitayā // (1) Par.?

agnir mūrdheti pravāpita evaitayā reto dadhāti // (2) Par.?

ubhā vām indrāgnī āhuvadhyā iti prāṇāpānau vā indrāgnī // (3) Par.?

prāṇāpānau vā etan mukhato yajñasya dhīyete // (4) Par.?

ayam iha prathamo dhāyi dhātṛbhir iti garbham evādhāt // (5) Par.?

asya pratnām anu dyutam ity udhar evākaḥ // (6) Par.?

ayaṃ te yonir ṛtviyā ity ajījanac caivāvīvṛdhac ca // (7) Par.?

ṣaḍbhir upatiṣṭhate // (8) Par.?

ṣaḍ vai pṛṣṭhāni // (9) Par.?

pṛṣṭhāny evācīkﾱpat // (10) Par.?

I 5,6(2)

dadhikrāvṇo akāriṣam iti dadhikrāvatyopatiṣṭhate // (11) Par.?

eṣā vā agner dadhikrāvatī priyā tanūḥ paśavyā sarvasamṛddhā // (12) Par.?

agner evaitayā priyaṃ dhāmopaiti // (13) Par.?

atho paśumān bhavati // (14) Par.?

atho ātmānam evaitayā yajamānaḥ punīte // (15) Par.?

saptabhir upatiṣṭhate // (16) Par.?

saptapadā śakvarī // (17) Par.?

śākvarāḥ paśavaḥ // (18) Par.?

paśūn evāvarunddhe // (19) Par.?

I 5,6(3)

jīryati vā eṣa āhitaḥ // (20) Par.?

paśur hy agniḥ // (21) Par.?

tad etāny evāgnyādheyasya havīṃṣi saṃvatsare saṃvatsare nirvapet // (22) Par.?

tena vā eṣa na jīryati // (23) Par.?

tenainaṃ punarṇavaṃ karoti // (24) Par.?

tan na sūrkṣyam // (25) Par.?

etābhir evāgneyapāvamānībhir agnyādheyasya yājyānuvākyābhir upastheyaḥ // (26) Par.?

tena vā eṣa na jīryati // (27) Par.?

tenainaṃ punarṇavaṃ karoti // (28) Par.?

dvādaśabhir upatiṣṭhate // (29) Par.?

dvādaśa māsāḥ saṃvatsaraḥ // (30) Par.?

saṃvatsaram evāptvāvarunddhe // (31) Par.?

I 5,6(4)

agnīṣomīyayā trayodaśyopastheyaḥ // (32) Par.?

asti māsas trayodaśaḥ // (33) Par.?

tam evaitayāptvāvarunddhe // (34) Par.?

Duration=0.061917066574097 secs.