Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Teacher (guru) and pupil (śiṣya), ācārya
Show parallels Show headlines
Use dependency labeler
Chapter id: 14720
- Click on a sentence to show its analysis
- Keep the mouse pointer over a lemma to show its meanings.
sadā niśāyāṃ guruṃ saṃveśayet tasya pādau prakṣālya saṃvāhya // (1) Par.?
anujñātaḥ saṃviśet // (2) Par.?
na cainam abhiprasārayīta // (3) Par.?
na khaṭvāyāṃ sato 'bhiprasāraṇam astīty eke // (4) Par.?
na cāsya sakāśe saṃviṣṭo bhāṣet // (5) Par.?
abhibhāṣitas tv āsīnaḥ pratibrūyāt // (6) Par.?
anūtthāya tiṣṭhantam // (7) Par.?
gacchantam anugacchet // (8) Par.?
dhāvantam anudhāvet // (9) Par.?
na sopānaḍ veṣṭitaśirā avahitapāṇir vāsīdet // (10) Par.?
adhvāpannas tu karmayukto vāsīdet // (11) Par.?
na ced upasīdet // (12) Par.?
devam ivācāryam upāsītāvikathayann avimanā vācaṃ śuśrūṣamāṇo 'sya // (13) Par.?
anupasthakṛtaḥ // (14) Par.?
anuvāti vītaḥ // (15) Par.?
apratiṣṭabdhaḥ pāṇinā // (16) Par.?
anapaśrito 'nyatra // (17) Par.?
yajñopavītī dvivastraḥ // (18) Par.?
adhonivītas tv ekavastraḥ // (19) Par.?
abhimukho 'nabhimukham // (20) Par.?
anāsanno 'natidūre // (21) Par.?
yāvadāsīno bāhubhyām prāpnuyāt // (22) Par.?
aprativātam // (23) Par.?
ekādhyāyī dakṣiṇaṃ bāhuṃ praty upasīdet // (24) Par.?
yathāvakāśaṃ bahavaḥ // (25) Par.?
tiṣṭhati ca nāsītānāsanayogavihite // (26) Par.?
āsīne ca na saṃviśet // (27) Par.?
ceṣṭati ca cikīrṣaṃstacchaktiviṣaye // (28) Par.?
na cāsya sakāśe 'nvaksthāninam upasaṃgṛhṇīyāt // (29) Par.?
gotreṇa vā kīrtayet // (30) Par.?
na cainaṃ praty uttiṣṭhed anūttiṣṭhed vā // (31) Par.?
api cet tasya guruḥ syāt // (32) Par.?
deśāt tv āsanāc ca saṃsarpet // (33) Par.?
nāmnā tadantevāsinaṃ gurum apy ātmana ity eke // (34) Par.?
yasmiṃstv anācāryasaṃbandhād gauravaṃ vṛttis tasminn anvaksthānīye 'py ācāryasya // (35) Par.?
bhuktvā cāsya sakāśe nānūtthāyocchiṣṭaṃ prayacchet // (36) Par.?
ācāmed vā // (37) Par.?
kiṃ karavāṇīty āmantrya // (38) Par.?
Duration=0.071464061737061 secs.