Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): rājasūya
Show parallels Show headlines
Use dependency labeler
Chapter id: 14902
- Click on a sentence to show its analysis
- Keep the mouse pointer over a lemma to show its meanings.
śyenājirābhyām abhicaran yajeta // (1) Par.?
ahaṃ manur garbhe nu saṃs tvayā manyo yas te manyav iti madhyaṃdinau // (2) Par.?
śeṣo bṛhaspatisavena // (3) Par.?
saṃnaddhā lohitoṣṇīṣā nistriṃśino yājayeyuḥ // (4) Par.?
śaramayaṃ barhiḥ // (5) Par.?
māsalāḥ paridhayaḥ // (6) Par.?
vaibhītaka idhmaḥ // (7) Par.?
vāghātako vā // (8) Par.?
apagūryāśrāvayet // (9) Par.?
pratyāśrāvayec ca // (10) Par.?
chindann iva vaṣaṭkuryāt // (11) Par.?
dṛṣann iva juhuyāt // (12) Par.?
sādyaskreṣūrvarā vediḥ // (13) Par.?
khala uttaravediḥ // (14) Par.?
khalevālī yūpaḥ // (15) Par.?
sphyagro yūpaḥ // (16) Par.?
acaṣālaḥ // (17) Par.?
kalāpī caṣālaḥ // (18) Par.?
ityāgantukā vikārāḥ // (19) Par.?
anyāṃś ca adhvaryavo viduḥ // (20) Par.?
siddhe tu śasye hotā saṃpraiṣānvayaḥ syāt // (21) Par.?
pāpyā kīrtyā pihito mahārogeṇa vā yo vā alaṃprajananaḥ prajāṃ na vindeta so 'gniṣṭutā yajeta // (22) Par.?
tiṣṭhā harī yo jāta eveti madhyaṃdinaḥ sarvāgneyaś cet stotriyānurūpā āgneyāḥ syuḥ // (23) Par.?
vicāri vā // (24) Par.?
api vā sarveṣu devatāśabdeṣv agnim eva abhisaṃnayet // (25) Par.?
tathā saty anvakṣam indrastutā yajeta // (26) Par.?
indra somam indraṃ staveti madhyaṃdinaḥ // (27) Par.?
bhūtikāmo vā grāmakāmo vā prajākāmo vopahavyena yajeta // (28) Par.?
imā u tvā ya eka id iti madhyaṃdina indrāgnyoḥ kulāyena prajātikāmaḥ // (29) Par.?
tiṣṭhā harī tam u ṣṭuhīti madhyaṃdina ṛṣabheṇa vijigīṣamāṇaḥ // (30) Par.?
marutvān indra yudhmasya ta iti madhyaṃdinas tīvrasomena annādyakāmaḥ // (31) Par.?
kva sya vīras tīvrasyābhivayasa iti madhyaṃdino vighanena abhicaran // (32) Par.?
tasya śasyam ajireṇa // (33) Par.?
indrāviṣṇor utkrāntinā svargakāmaḥ // (34) Par.?
imā u tvā dyaur na ya indreti madhyaṃdino yaḥ kāmayeta naiṣṇihyaṃ pāpmana iyām iti sa ṛtapeyena yajeta // (35) Par.?
ṛtasya hi śurudhaḥ santi pūrvīr iti sūktamukhīye satyena camasān bhakṣayanti // (36) Par.?
satyam iyaṃ pṛthivī satyam ayam agniḥ satyam ayaṃ vāyuḥ satyam asāv āditya iti // (37) Par.?
somacamaso dakṣiṇā // (38) Par.?
Duration=0.10020112991333 secs.