UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 9844
- Click on a sentence to show its analysis
- Keep the mouse pointer over a lemma to show its meanings.
imām me agne samidhaṃ juṣasveḍas pade prati haryā ghṛtācīm / (1.1)
Par.?
varṣman pṛthivyāḥ sudinatve ahnām ūrdhvo bhava sukrato devayajyā // (1.2)
Par.?
ā devānām agrayāveha yātu narāśaṃso viśvarūpebhir aśvaiḥ / (2.1)
Par.?
ṛtasya pathā namasā miyedho devebhyo devatamaḥ suṣūdat // (2.2)
Par.?
śaśvattamam īḍate dūtyāya haviṣmanto manuṣyāso agnim / (3.1)
Par.?
vahiṣṭhair aśvaiḥ suvṛtā rathenā devān vakṣi ni ṣadeha hotā // (3.2)
Par.?
vi prathatāṃ devajuṣṭaṃ tiraścā dīrghaṃ drāghmā surabhi bhūtv asme / (4.1)
Par.?
aheḍatā manasā deva barhir indrajyeṣṭhāṁ uśato yakṣi devān // (4.2)
Par.?
divo vā sānu spṛśatā varīyaḥ pṛthivyā vā mātrayā vi śrayadhvam / (5.1)
Par.?
uśatīr dvāro mahinā mahadbhir devaṃ rathaṃ rathayur dhārayadhvam // (5.2)
Par.?
devī divo duhitarā suśilpe uṣāsānaktā sadatāṃ ni yonau / (6.1)
Par.?
ā vāṃ devāsa uśatī uśanta urau sīdantu subhage upasthe // (6.2)
Par.?
ūrdhvo grāvā bṛhad agniḥ samiddhaḥ priyā dhāmāny aditer upasthe / (7.1)
Par.?
purohitāv ṛtvijā yajñe asmin viduṣṭarā draviṇam ā yajethām // (7.2)
Par.?
tisro devīr barhir idaṃ varīya ā sīdata cakṛmā vaḥ syonam / (8.1)
Par.?
manuṣvad yajñaṃ sudhitā havīṃṣīḍā devī ghṛtapadī juṣanta // (8.2)
Par.?
deva tvaṣṭar yaddha cārutvam ānaḍ yad aṅgirasām abhavaḥ sacābhūḥ / (9.1)
Par.?
sa devānām pātha upa pra vidvāṁ uśan yakṣi draviṇodaḥ suratnaḥ // (9.2)
Par.?
vanaspate raśanayā niyūyā devānām pātha upa vakṣi vidvān / (10.1)
Par.?
svadāti devaḥ kṛṇavaddhavīṃṣy avatāṃ dyāvāpṛthivī havam me // (10.2)
Par.?
āgne vaha varuṇam iṣṭaye na indraṃ divo maruto antarikṣāt / (11.1)
Par.?
sīdantu barhir viśva ā yajatrāḥ svāhā devā amṛtā mādayantām // (11.2)
Par.?
Duration=0.045972108840942 secs.