Texts

atholūkhalamusale prakṣālya śūrpaṃ ca paścād agneḥ prāgagrān darbhān āstīryopasādayati // (1) Par.?

atha havir nirvapati vrīhīn vā yavān vā kaṃsena vā carusthālyā vā // (2) Par.?

amuṣmai tvā juṣṭaṃ nirvapāmīti devatānāmādeśaṃ sakṛd dvis tūṣṇīm // (3) Par.?

atha paścāt prāṅmukho 'vahantum upakramate dakṣiṇottarābhyāṃ pāṇibhyām // (4) Par.?

triḥphalīkṛtāṃs taṇḍulān trir devebhyaḥ prakṣālayed ity āhur dvir manuṣyebhyaḥ sakṛt pitṛbhya iti // (5) Par.?

pavitrāntarhitāṃs taṇḍulān āvapet // (6) Par.?

kuśalaśṛtam iva sthālīpākaṃ śrapayet pradakṣiṇam udāyuvan // (7) Par.?

śṛtam abhighāryodag udvāsya pratyabhighārayet // (8) Par.?

agnim upasamādhāya kuśaiḥ samantaṃ paristṛṇuyāt purastāddakṣiṇata uttarataḥ paścād iti // (9) Par.?

sarvatas trivṛtaṃ pañcavṛtaṃ vā // (10) Par.?

bahulam ayugmasaṃhatam // (11) Par.?

prāgagrair agrair mūlāni chādayan // (12) Par.?

paścād vāstīrya dakṣiṇataḥ prāñcaṃ prakarṣati tathottareṇa // (13) Par.?

dakṣiṇottarāṇy agrāṇi kuryāt // (14) Par.?

eṣa paristaraṇanyāyaḥ sarveṣv āhutimatsu // (15) Par.?

paridhīn apy eke kurvanti śāmīlān pārṇān vā // (16) Par.?

uttarato 'pāṃ pūrṇaḥ sruvaḥ praṇītā // (17) Par.?

bhave na vā syād ity eke // (18) Par.?

barhiṣi sthālīpākam āsādyedhmam abhyādhāyājyaṃ saṃskurute // (19) Par.?

sarpis tailaṃ dadhi payo yavāgūm vā // (20) Par.?

tata eva barhiṣaḥ prādeśamātre pavitre kurute // (21) Par.?

oṣadhim antardhāya chinatti na nakhena pavitre stho vaiṣṇavyāviti // (22) Par.?

athaine adbhir anumārṣṭi viṣṇor manasā pūte stha iti // (23) Par.?

saṃpūyotpunāty udagagrābhyāṃ pavitrābhyām // (24) Par.?

aṅguṣṭhābhyāṃ copakaniṣṭhikābhyāṃ cāṅgulibhyām abhisaṃgṛhya prākśas trir utpunāti devas tvā savitotpunātv acchidreṇa pavitreṇa vasoḥ sūryasya raśmibhir iti sakṛd yajuṣā dvis tūṣṇīm // (25) Par.?

athaine adbhir abhyukṣyāgnāv apyarjayet // (26) Par.?

athaitad ājyam adhiśṛtyodag udvāsayet // (27) Par.?

evam ājyasya saṃskaraṇakalpo bhavatīti // (28) Par.?