Texts

kṛtodvāhe gate tasmin brahmadatte ca rāghava / (1.1) Par.?

aputraḥ putralābhāya pautrīm iṣṭim akalpayat // (1.2) Par.?

iṣṭyāṃ tu vartamānāyāṃ kuśanābhaṃ mahīpatim / (2.1) Par.?

uvāca paramaprītaḥ kuśo brahmasutas tadā // (2.2) Par.?

putras te sadṛśaḥ putra bhaviṣyati sudhārmikaḥ / (3.1) Par.?

gādhiṃ prāpsyasi tena tvaṃ kīrtiṃ loke ca śāśvatīm // (3.2) Par.?

evam uktvā kuśo rāma kuśanābhaṃ mahīpatim / (4.1) Par.?

jagāmākāśam āviśya brahmalokaṃ sanātanam // (4.2) Par.?

kasyacit tv atha kālasya kuśanābhasya dhīmataḥ / (5.1) Par.?

jajñe paramadharmiṣṭho gādhir ity eva nāmataḥ // (5.2) Par.?

sa pitā mama kākutstha gādhiḥ paramadhārmikaḥ / (6.1) Par.?

kuśavaṃśaprasūto 'smi kauśiko raghunandana // (6.2) Par.?

pūrvajā bhaginī cāpi mama rāghava suvratā / (7.1) Par.?

nāmnā satyavatī nāma ṛcīke pratipāditā // (7.2) Par.?

saśarīrā gatā svargaṃ bhartāram anuvartinī / (8.1) Par.?

kauśikī paramodārā sā pravṛttā mahānadī // (8.2) Par.?

divyā puṇyodakā ramyā himavantam upāśritā / (9.1) Par.?

lokasya hitakāmārthaṃ pravṛttā bhaginī mama // (9.2) Par.?

tato 'haṃ himavatpārśve vasāmi niyataḥ sukham / (10.1) Par.?

bhaginyāḥ snehasaṃyuktaḥ kauśikyā raghunandana // (10.2) Par.?

sā tu satyavatī puṇyā satye dharme pratiṣṭhitā / (11.1) Par.?

pativratā mahābhāgā kauśikī saritāṃ varā // (11.2) Par.?

ahaṃ hi niyamād rāma hitvā tāṃ samupāgataḥ / (12.1) Par.?

siddhāśramam anuprāpya siddho 'smi tava tejasā // (12.2) Par.?

eṣā rāma mamotpattiḥ svasya vaṃśasya kīrtitā / (13.1) Par.?

deśasya ca mahābāho yan māṃ tvaṃ paripṛcchasi // (13.2) Par.?

gato 'rdharātraḥ kākutstha kathāḥ kathayato mama / (14.1) Par.?

nidrām abhyehi bhadraṃ te mā bhūd vighno 'dhvanīha naḥ // (14.2) Par.?

niṣpandās taravaḥ sarve nilīnā mṛgapakṣiṇaḥ / (15.1) Par.?

naiśena tamasā vyāptā diśaś ca raghunandana // (15.2) Par.?

śanair viyujyate saṃdhyā nabho netrair ivāvṛtam / (16.1) Par.?

nakṣatratārāgahanaṃ jyotirbhir avabhāsate // (16.2) Par.?

uttiṣṭhati ca śītāṃśuḥ śaśī lokatamonudaḥ / (17.1) Par.?

hlādayan prāṇināṃ loke manāṃsi prabhayā vibho // (17.2) Par.?

naiśāni sarvabhūtāni pracaranti tatas tataḥ / (18.1) Par.?

yakṣarākṣasasaṃghāś ca raudrāś ca piśitāśanāḥ // (18.2) Par.?

evam uktvā mahātejā virarāma mahāmuniḥ / (19.1) Par.?

sādhu sādhv iti taṃ sarve munayo hy abhyapūjayan // (19.2) Par.?

rāmo 'pi saha saumitriḥ kiṃcid āgatavismayaḥ / (20.1) Par.?

praśasya muniśārdūlaṃ nidrāṃ samupasevate // (20.2) Par.?