Texts

tāṃ tathā patitāṃ dṛṣṭvā virūpāṃ śoṇitokṣitām / (1.1) Par.?

bhaginīṃ krodhasaṃtaptaḥ kharaḥ papraccha rākṣasaḥ // (1.2) Par.?

balavikramasampannā kāmagā kāmarūpiṇī / (2.1) Par.?

imām avasthāṃ nītā tvaṃ kenāntakasamā gatā // (2.2) Par.?

devagandharvabhūtānām ṛṣīṇāṃ ca mahātmanām / (3.1) Par.?

ko 'yam evaṃ mahāvīryas tvāṃ virūpāṃ cakāra ha // (3.2) Par.?

na hi paśyāmy ahaṃ loke yaḥ kuryān mama vipriyam / (4.1) Par.?

antareṇa sahasrākṣaṃ mahendraṃ pākaśāsanam // (4.2) Par.?

adyāhaṃ mārgaṇaiḥ prāṇān ādāsye jīvitāntakaiḥ / (5.1) Par.?

salile kṣīram āsaktaṃ niṣpibann iva sārasaḥ // (5.2) Par.?

nihatasya mayā saṃkhye śarasaṃkṛttamarmaṇaḥ / (6.1) Par.?

saphenaṃ rudhiraṃ raktaṃ medinī kasya pāsyati // (6.2) Par.?

kasya pattrarathāḥ kāyān māṃsam utkṛtya saṃgatāḥ / (7.1) Par.?

prahṛṣṭā bhakṣayiṣyanti nihatasya mayā raṇe // (7.2) Par.?

taṃ na devā na gandharvā na piśācā na rākṣasāḥ / (8.1) Par.?

mayāpakṛṣṭaṃ kṛpaṇaṃ śaktās trātuṃ mahāhave // (8.2) Par.?

upalabhya śanaiḥ saṃjñāṃ taṃ me śaṃsitum arhasi / (9.1) Par.?

yena tvaṃ durvinītena vane vikramya nirjitā // (9.2) Par.?

iti bhrātur vacaḥ śrutvā kruddhasya ca viśeṣataḥ / (10.1) Par.?

tataḥ śūrpaṇakhā vākyaṃ sabāṣpam idam abravīt // (10.2) Par.?

taruṇau rūpasampannau sukumārau mahābalau / (11.1) Par.?

puṇḍarīkaviśālākṣau cīrakṛṣṇājināmbarau // (11.2) Par.?

gandharvarājapratimau pārthivavyañjanānvitau / (12.1) Par.?

devau vā mānuṣau vā tau na tarkayitum utsahe // (12.2) Par.?

taruṇī rūpasampannā sarvābharaṇabhūṣitā / (13.1) Par.?

dṛṣṭā tatra mayā nārī tayor madhye sumadhyamā // (13.2) Par.?

tābhyām ubhābhyāṃ sambhūya pramadām adhikṛtya tām / (14.1) Par.?

imām avasthāṃ nītāhaṃ yathānāthāsatī tathā // (14.2) Par.?

tasyāś cānṛjuvṛttāyās tayoś ca hatayor aham / (15.1) Par.?

saphenaṃ pātum icchāmi rudhiraṃ raṇamūrdhani // (15.2) Par.?

eṣa me prathamaḥ kāmaḥ kṛtas tāta tvayā bhavet / (16.1) Par.?

tasyās tayoś ca rudhiraṃ pibeyam aham āhave // (16.2) Par.?

iti tasyāṃ bruvāṇāyāṃ caturdaśa mahābalān / (17.1) Par.?

vyādideśa kharaḥ kruddho rākṣasān antakopamān // (17.2) Par.?

mānuṣau śastrasampannau cīrakṛṣṇājināmbarau / (18.1) Par.?

praviṣṭau daṇḍakāraṇyaṃ ghoraṃ pramadayā saha // (18.2) Par.?

tau hatvā tāṃ ca durvṛttām upāvartitum arhatha / (19.1) Par.?

iyaṃ ca rudhiraṃ teṣāṃ bhaginī mama pāsyati // (19.2) Par.?

manoratho 'yam iṣṭo 'syā bhaginyā mama rākṣasāḥ / (20.1) Par.?

śīghraṃ saṃpadyatāṃ gatvā tau pramathya svatejasā // (20.2) Par.?

iti pratisamādiṣṭā rākṣasās te caturdaśa / (21.1) Par.?

tatra jagmus tayā sārdhaṃ ghanā vāteritā yathā // (21.2) Par.?